ഇന്ത്യയിൽ പകർച്ചവ്യാധികൾ വർദ്ധിച്ചു കൊണ്ടിരിക്കുന്ന സാഹചര്യത്തിൽ അടിയന്തിര ആവശ്യങ്ങൾ നിറവേറ്റുന്നതിനായി ഓക്സിജൻ സിലിണ്ടറുകളും മറ്റ് അവശ്യസാധനങ്ങളും സംഭാവന ചെയ്ത് ഇന്ത്യൻ കമ്മ്യൂണിറ്റി ബെനവലന്റ് ഫണ്ട് (ഐസിബിഎഫ്) “ഹീൽ ഇന്ത്യ” സംരഭത്തിന്റെ കീഴിൽ ഏകോപിച്ചു നടത്തുന്ന പ്രവർത്തനങ്ങളിൽ ലുലു ഹൈപ്പർ മാർക്കറ്റ് ഗ്രൂപ്പും പങ്കു ചേർന്നു.
സമൂഹത്തിന്റെ ജീവകാരുണ്യ പ്രവർത്തനത്തിനും ഉന്നമനത്തിനും വേണ്ടി സംഭാവന ചെയ്യുന്നതിൽ ലുലു ഹൈപ്പർമാർക്കറ്റ് എല്ലായ്പ്പോഴും മുൻനിരയിലാണ്. ശക്തമായ സി‌എസ്‌ആർ നയങ്ങളുള്ള ബിസിനസ് സ്ഥാപനമെന്ന നിലയിൽ, മേഖലയിലുടനീളം പാൻഡെമിക് ഉയർത്തുന്ന ഗുരുതര സാഹചര്യങ്ങളിൽ കമ്മ്യൂണിറ്റിയെ സഹായിക്കാൻ അവർ ശ്രദ്ധേയമായ സംഭാവനകൾ നൽകിയിട്ടുണ്ട്.
അടുത്തിടെ ലുലു ഗ്രൂപ്പ് കേരള മുഖ്യമന്ത്രിയുടെ പാൻഡെമിക് റിലീഫ് ഫണ്ടിലേക്ക് ഗണ്യമായ സംഭാവന നൽകിയിരുന്നു. ദരിദ്രരും നിരാലംബരുമായ സഹോദരങ്ങൾക്ക് ആശ്വാസം പകരാൻ ഐസിബിഎഫ് നടത്തുന്ന ശ്രമങ്ങളെ ലുലു ഗ്രൂപ്പ് ഡയറക്ടർ ഡോ. മുഹമ്മദ് അൽതാഫ് അഭിനന്ദിച്ചു.
https://twitter.com/Qatar_Tribune/status/1394679943897010179?s=19
