എയർ അറേബ്യ ഈജിപ്ത് ഖത്തറിലേക്കുള്ള സർവീസുകൾ ആരംഭിക്കുന്നു
എയർ അറേബ്യ ഈജിപ്ത് അടുത്തയാഴ്ച ഖത്തറിലേക്ക് നേരിട്ടുള്ള സർവീസുകൾ പുനരാരംഭിക്കും. 2021 ഫെബ്രുവരി 2 മുതൽ അലക്സാണ്ട്രിയയിൽ നിന്ന് ദോഹയിലേക്ക് നേരിട്ടുള്ള സർവീസുകൾ പുനരാരംഭിക്കുമെന്ന് എയർ അറേബ്യ ഈജിപ്ത് ട്വിറ്ററിൽ വ്യക്തമാക്കി.
വെബ്സൈറ്റിൽ കാണിച്ചിരിക്കുന്നതു പ്രകാരം, അലക്സാണ്ട്രിയയിൽ നിന്ന് ദോഹയിലേക്കുള്ള ആദ്യത്തെ ഫ്ലൈറ്റായ E5741 (A320-174) രാവിലെ 8:55ന് (ഈജിപ്ത് സമയം) അലക്സാണ്ട്രിയ, ബോർഗ് എൽ അറബ് വിമാനത്താവളത്തിൽ നിന്ന് പുറപ്പെട്ട് ഉച്ചയ്ക്ക് 1:05ന് (ഖത്തർ സമയം) ഹമദ് ഇന്റർനാഷണൽ എയർപോർട്ടിൽ എത്തും.
ജനുവരി 18ന് എയർ അറേബ്യ ഷാർജയ്ക്കും ദോഹയ്ക്കും ഇടയിൽ ദിവസേനയുള്ള സർവീസുകൾ പുനരാരംഭിച്ചിരുന്നു. ഖത്തർ എയർവേയ്സും ഈജിപ്ത് എയറും കെയ്റോയിൽ നിന്ന് ദോഹയിലേക്കു ഫ്ലൈറ്റ് സർവീസുകൾ ആരംഭിച്ചിട്ടുണ്ട്.
Air Arabia Egypt to resume direct flights to Qatar next week#Qatar #Doha #Egypt https://t.co/vVDHArKBzr
— The Peninsula Qatar (@PeninsulaQatar) January 24, 2021