ദീർഘകാലമായി ഖത്തറിൽ പ്രവാസിയായിരുന്ന പത്തനംതിട്ട എലന്തൂർ സ്വദേശി ബാബു എബ്രഹാം തൊട്ടുപാട്ട് നിര്യാതനായി. മുപ്പതു വർഷത്തോളമായി ഖത്തറിലുള്ള എൺപതുകാരനായ ഇദ്ദേഹം അർബുദ ബാധിതനായിരുന്നു.
ബർവ സിറ്റിയിൽ മകളോടൊപ്പം സന്ദർശക വിസയിൽ താമസിക്കവെയാണ് മരണം. ഭാര്യ – ഏലിയാമ്മ, മക്കൾ – ഷൈനി എബ്രഹാം (ഹമദ് ഹോസ്പിറ്റൽ), സോണി എബ്രഹാം (ഹമദ് ഹോസ്പിറ്റൽ), ടോണി എബ്രഹാം (അപ്പോളോ ക്ലിനിക്). നടപടിക്രമങ്ങൾക്കു ശേഷം മൃതദേഹം ഖത്തറിൽ സംസ്കരിക്കും.