എയർപോർട്ട് മേഖലയിലെ ഉന്നത ബഹുമതി നേടാൻ ഹമദ് വിമാനത്താവളവും
സ്കൈട്രാക്സിന്റെ ‘ലോകത്തിലെ ഏറ്റവും മികച്ച വിമാനത്താവളം’ അവാർഡിനു വേണ്ടിയുള്ള മത്സരത്തിൽ ഹമദ് ഇന്റർനാഷണൽ എയർപോർട്ടും. സ്കൈട്രാക്സിന്റെ ഉപഭോക്തൃ സംതൃപ്തി സർവേയിൽ പങ്കെടുക്കാൻ യാത്രക്കാരെ പ്രോത്സാഹിപ്പിക്കുന്നതിലൂടെ ആഗോള വിമാനത്താവളങ്ങളിൽ മുൻനിര സ്ഥാനം നിലനിർത്തുകയെന്നതും എച്ച്ഐഎയുടെ ലക്ഷ്യമാണ്.
550ലധികം വിമാനത്താവളങ്ങളിലുടനീളമുള്ള ഉപഭോക്തൃ സേവനവും സൗകര്യങ്ങളും വിലയിരുത്തുന്ന, ഗുണനിലവാരത്തിന്റെ മാനദണ്ഡമായി കണക്കാക്കപ്പെടുന്ന ഈ അവാർഡ് എയർപോർട്ട് മേഖലയിലെ ഏറ്റവും മികച്ച ബഹുമതികളിൽ ഒന്നാണ്.
കഴിഞ്ഞ കുറച്ച് വർഷങ്ങളായി, ഹമദ് അന്താരാഷ്ട്ര വിമാനത്താവളം സ്കൈട്രാക്സിന്റെ ‘ലോകത്തിലെ ഏറ്റവും മികച്ച വിമാനത്താവളം’ റാങ്കിംഗിൽ മുന്നേറുകയും 2020 ൽ മൂന്നാം സ്ഥാനത്തേക്ക് ഉയരുകയും ചെയ്തിരുന്നു.
വിമാനത്താവളത്തിന്റെ ദർശനാത്മകവും നൂതനവുമായ സമീപനം, യാത്രക്കാരെ ശാക്തീകരിക്കുന്ന സാങ്കേതികവിദ്യകളുടെ ആവിഷ്കാരം, മൾട്ടി- ഡൈമൻഷണൽ ലൈഫ്സ്റ്റൈൽ ഓഫറിംഗ് എന്നിവ ഹമദ് എയർപോർട്ടിനെ ആഗോള യാത്രക്കാർക്ക് തിരഞ്ഞെടുക്കാനുള്ള കാരണമാണ്.
കഴിഞ്ഞ വർഷം കോവിഡ് പാൻഡെമിക് വ്യോമയാന വ്യവസായം, യാത്രക്കാരുടെ ഗതാഗതം, വിമാന ചരക്ക് ആവശ്യം എന്നിവയെയും മറ്റ് പലതിനെയും ബാധിച്ചുവെങ്കിലും വെല്ലുവിളികൾക്ക് മറുപടിയായി, ഹമദ് എയർപോർട്ട് കർശനമായ ആരോഗ്യ-സുരക്ഷാ നടപടികൾ നടപ്പാക്കുകയും, പ്രവർത്തനങ്ങൾ ഒപ്റ്റിമൈസ് ചെയ്യുന്നതിനുള്ള ഏറ്റവും പുതിയ സാങ്കേതികവിദ്യകൾ സ്വന്തമാക്കി, യാത്രക്കാരുടെയും ജീവനക്കാരുടെയും ക്ഷേമത്തിന് മുൻഗണന നൽകുകയും ചെയ്തു.
അണുനാശിനി റോബോട്ടുകൾ, തെർമൽ സ്മാർട്ട് സ്ക്രീനിംഗ് ഹെൽമെറ്റുകൾ, കോൺടാക്റ്റ്-ഫ്രീ സെൽഫ് ചെക്ക്-ഇൻ, ട്രാൻസ്ഫർ സെക്യൂരിറ്റി സ്ക്രീനിംഗ് എന്നിങ്ങനെ നിരവധി പുതുമകൾ എച്ച്ഐഎ അവതരിപ്പിച്ചിരുന്നു.
HIA continues to elevate the airport experience and serve passengers across the globe despite the challenges of the COVID-19 pandemic @HIAQatar https://t.co/GXtz5gUoE4
— Qatar Tribune (@Qatar_Tribune) March 14, 2021