തുടർച്ചയായ നാലാം വർഷവും മിഡിൽ ഈസ്റ്റിലെ മികച്ച വിമാനത്താവളമായി ഹമദ് എയർപോർട്ട്

ഉയർന്ന നിലവാരമുള്ള സേവനത്തിന് തുടർച്ചയായ നാലാം വർഷവും മിഡിൽ ഈസ്റ്റിലെ ഏറ്റവും മികച്ച വിമാനത്താവളമെന്ന പുരസ്കാരം ഹമദ് ഇന്റർനാഷണൽ എയർപോർട്ട് നേടി. ഗ്ലോബൽ ട്രാവലേഴ്‌സിന്റെ ജിടി ടെസ്റ്റഡ് റീഡർ സർവേ അവാർഡ്‌സിൽ തുടർച്ചയായ നാലാം വർഷവും “മിഡിൽ ഈസ്റ്റിലെ മികച്ച എയർപോർട്ട്” ആയി ഹമദ് ഇന്റർനാഷണൽ എയർപോർട്ടിനെ തിരഞ്ഞെടുത്തു.

ട്രാവൽ ഇൻഡസ്ട്രിയിൽ ഏറ്റവും അഭിമാനകരമായി കണക്കാക്കപ്പെടുന്ന അംഗീകാരങ്ങളിലൊന്നാണ് ഈ അവാർഡ്. “തുടർച്ചയായി നാലാം വർഷവും ഞങ്ങൾക്ക് വോട്ടുചെയ്തതിന് ഗ്ലോബൽ ട്രാവലർ മാഗസിൻ വായനക്കാർക്ക് നന്ദി പറയാൻ ഞങ്ങൾ ആഗ്രഹിക്കുന്നു,” ഹമദ് അന്താരാഷ്ട്ര വിമാനത്താവളത്തിലെ ചീഫ് ഓപ്പറേറ്റിംഗ് ഓഫീസർ ബദർ മുഹമ്മദ് അൽ മീർ പറഞ്ഞു.

“യാത്രക്കാരുടെ സുഖവും സമാധാനവും ഉറപ്പുവരുത്തുന്നതിനുള്ള ഞങ്ങളുടെ ശ്രമങ്ങൾക്ക് അംഗീകാരം ലഭിക്കുന്നത്, പ്രത്യേകിച്ചും ഈ സമയത്ത്, ഞങ്ങളുടെ യാത്രക്കാർക്ക് കൂടുതൽ മികച്ച  അനുഭവം നൽകാൻ ഞങ്ങളെ പ്രേരിപ്പിക്കുന്ന കാര്യമാണ്.” അദ്ദേഹം വ്യക്തമാക്കി.

കഴിഞ്ഞ 17 വർഷമായി എല്ലാ വർഷവും ഗ്ലോബൽ ട്രാവലർ പ്രിയപ്പെട്ട യാത്രാ ഉൽ‌പ്പന്നങ്ങളും അനുഭവങ്ങളും തിരഞ്ഞെടുക്കാൻ വായനക്കാരെ അനുവദിക്കുന്നുണ്ട്. കഴിഞ്ഞ നാല് വർഷമായി മികച്ച അനുഭവം നൽകുകയും യാത്രക്കാരുടെ ക്ഷേമം വർദ്ധിപ്പിക്കുന്നതിനുള്ള പ്രതിബദ്ധതയ്ക്കും വേണ്ടിയാണ് എച്ച്ഐ‌എ തിരഞ്ഞെടുക്കപ്പെട്ടത്.

✈️  @HIAQatar added yet another prestigious title to its trophy cabinet after a vote by Global Traveler’s GT Tested Reader Survey Awards confirmed it was the “Best Airport in the Middle East”.

Read more 👇https://t.co/Y99KOhcdQ5

— Doha News (@dohanews) December 16, 2020