ദോഹ; ഹമദ് മെഡിക്കൽ കോർപ്പറേഷന്റെ (എച്ച്എംസി) കീഴിലുള്ള നാഷണൽ സെന്റർ ഫോർ കാൻസർ കെയർ ആന്റ് റിസർച്ചിലെ (എൻസിസിസിആർ) അസ്ഥി മജ്ജ മാറ്റിവയ്ക്കൽ യൂണിറ്റിൽ നിന്നുള്ള ഒരു ഇന്റർ ഡിസിപ്ലിനറി ടീം 2015 മുതൽ 53 ഓട്ടോലോഗസ് സ്റ്റെം സെൽ ട്രാൻസ്പ്ലാൻറുകളും 2017 മുതൽ 12 അലോജെനിക് ബ്ലഡ് സ്റ്റെം സെൽ ട്രാൻസ്പ്ലാൻറുകളും വിജയകരമായി നട ത്തുകയുണ്ടായി.
ട്രാൻസ്പ്ലാൻറ് പ്രോഗ്രാമുകളുടെ വിജയം എച്ച്എംസിക്കും രാജ്യത്തിനും ഒരു സുപ്രധാന നാഴികക്കല്ലാണെന്ന് എൻസിസിസിആറിലെ അസ്ഥി മജ്ജ മാറ്റിവയ്ക്കൽ പ്രോഗ്രാം ഹെഡ് ഡോ. ജാവിദ് ഗാസീവ് പറഞ്ഞു,
വളരെ ഫലപ്രദമായ ഒരു തെറാപ്പിയാണ് ബിഎംടി, പലപ്പോഴും രോഗശമനം അല്ലെങ്കിൽ രക്ത കാൻസർ മാറ്റുന്നതിനും ഇത് ഉപകരിക്കും. ഈ ട്രാൻസ് പ്ലാന്റ് വഴി ക്രമരഹിതമായ അസ്ഥി മജ്ജയെ ആരോഗ്യകരമായ അസ്ഥി മജ്ജയാക്കി മാറ്റിസ്ഥാപിക്കുന്നു, ഇത് ക്യാൻസർ ഇല്ലാതാക്കാനും രോഗിയുടെ രക്ത, രോഗപ്രതിരോധ സംവിധാനങ്ങൾ പുന സ്ഥാപിക്കാനും ഉപയോഗിക്കുന്നു, ”ഡോക്ടർ ഗാസീവ് കൂട്ടിച്ചേർത്തു.