ഇന്ത്യൻ എംബസി നവംബർ 27 ന് ഏഷ്യൻ ടൗണിൽ അടിയന്തര അറ്റസ്റ്റേഷനായി പ്രത്യേക കോൺസുലാർ ക്യാമ്പ് നടത്തും. ഏഷ്യൻ ടൗണിലെ ആംഫിതിയേറ്റർ ടിക്കറ്റ് കൗണ്ടർ, ഗേറ്റ് നമ്പർ 8, ഗ്രാൻഡ് മാളിൽ രാവിലെ 10 മുതൽ 12 വരെ പ്രത്യേക കോൺസുലാർ ക്യാമ്പ് സംഘടിപ്പിക്കുമെന്ന് എംബസി അറിയിച്ചു.
ഏഷ്യൻ ടൗണിൽ താമസിക്കുന്ന ഇന്ത്യൻ തൊഴിലാളികൾക്ക് പാസ്പോർട്ട് സേവനം ലഭ്യമാക്കുന്നതിനുള്ള ഒരു ഘട്ടമായാണ് ക്യാമ്പ് സംഘടിപ്പിക്കുന്നത്. ഓൺലൈൻ അപേക്ഷാ ഫോമുകൾ പൂരിപ്പിക്കാൻ അപേക്ഷകരെ സഹായിക്കുന്നതിന് രാവിലെ 8 മണി മുതൽ ഇവിടെ ഒരു ടീം ഉണ്ടായിരിക്കും.
The embassy @IndEmbDoha requested visitors to adhere to all COVID -19 health protocols during consular camp.#Qatar #Passport #India https://t.co/dejTwgvrnq
— The Peninsula Qatar (@PeninsulaQatar) November 24, 2020
കോൺസുലാർ ക്യാമ്പിൽ എല്ലാ കൊവിഡ് ഹെൽത്ത് പ്രോട്ടോക്കോളുകളും പാലിക്കാൻ എംബസി സന്ദർശകരോട് അഭ്യർത്ഥിച്ചു. കഴിഞ്ഞ വാരാന്ത്യത്തിൽ സംഘടിപ്പിച്ച സമാനമായ ക്യാമ്പിൽ 400ഓളം അപേക്ഷകർക്ക് അടിയന്തര അറ്റസ്റ്റേഷനുമായി ബന്ധപ്പെട്ട കോൺസുലർ സേവനങ്ങൾ എംബസി നൽകിയിരുന്നു.
പാസ്പോർട്ട്, പിസിസി, കോൺസുലാർ അറ്റസ്റ്റേഷൻ സേവനങ്ങൾ എന്നിവയ്ക്കായി എംബസി അടുത്തിടെ ഒരു ഓൺലൈൻ എമർജൻസി അപ്പോയിന്റ്മെന്റ് സംവിധാനവും അവതരിപ്പിച്ചു.