സ്കൂൾ ബബിൾ കൊവിഡ് വ്യാപനം കുറക്കാൻ ഫലപ്രദമാകും

സർക്കാർ ശുപാർശ ചെയ്യുന്ന ബബിൾ സിസ്റ്റം സ്കൂളുകളിൽ കൊവിഡ് വ്യാപനം കുറയ്ക്കാൻ സഹായിക്കുന്ന ഫലപ്രദമായ പ്രതിരോധ നടപടിയാകുമെന്ന് മുതിർന്ന ആരോഗ്യ ഉദ്യോഗസ്ഥൻ പറഞ്ഞു.

“കൂട്ടവുമായി ഇടപഴകാത്ത വ്യത്യസ്തമായ ഗ്രൂപ്പുകളോ ‘ബബിളുകളോ’ നിലനിർത്തുന്നത് പോസിറ്റീവ് കേസ് ഉണ്ടായാൽ ആരാണ് സ്വയം ഒറ്റപ്പെടേണ്ടതെന്ന് തിരിച്ചറിയാൻ വേഗത്തിലും എളുപ്പത്തിലും സഹായിക്കുന്നു, കൂടാതെ സ്കൂളിൽ കഴിയുന്നത്ര കുട്ടികളെ നിലനിർത്തുന്നു,” ഹമദ് മെഡിക്കൽ കോർപ്പറേഷനിൽ (എച്ച്എംസി) ഇൻഫെക്ഷൻ പ്രിവൻഷൻ ആൻഡ് കൺട്രോൾ എക്സിക്യൂട്ടീവ് ഡയറക്ടർ ഡോ. ജമീല അലജ്മി പറഞ്ഞു.

വിദ്യാഭ്യാസ-ഉന്നത വിദ്യാഭ്യാസ മന്ത്രാലയം 2021-22 അധ്യയന വർഷം നാളെ ആരംഭിക്കുന്നതിനാൽ സ്കൂളുകളിൽ ബബിൾ ക്രമീകരണം പ്രഖ്യാപിച്ചിട്ടുണ്ട്. “ക്ലാസ് മുറികൾക്കുള്ളിൽ ബബിൾ സംവിധാനം ഏർപ്പാടാക്കുകയും തിരക്ക് ഒഴിവാക്കാൻ വിദ്യാർത്ഥികൾ പ്രവേശിക്കുന്നതും പുറത്തുകടക്കുന്നതും നിയന്ത്രിക്കുകയും ചെയ്യും.” മന്ത്രാലയം പ്രസ്താവനയിൽ വ്യക്തമാക്കിയിരുന്നു.

“പ്രൈമറി സ്കൂളുകളിൽ ബബിൾ സിസ്റ്റം പ്രയോഗിക്കുന്നത് വിദ്യാർത്ഥികൾക്കിടയിൽ സാമൂഹിക അകലം പാലിക്കുന്നതിനേക്കാൾ കൂടുതൽ ഫലപ്രദമാണ്. കുട്ടികൾക്ക് വേർപിരിയാൻ ഇഷ്ടമുണ്ടാകില്ല. പ്രൈമറി സ്കൂളുകളും വലുപ്പത്തിൽ ചെറുതായതു കൊണ്ട് ഇത് ബബിൾ സംവിധാനം നടപ്പിലാക്കുന്നത് എളുപ്പമാക്കുന്നു. ബബിളിൽ 8 കുട്ടികൾ വരെ അടങ്ങിയിരിക്കണം, ഓരോ ഗ്രൂപ്പിലും 16 ൽ കൂടുതൽ കുട്ടികൾ ഉണ്ടാകരുത്.” ഡോ.അലാജ്മി പറഞ്ഞു.

ഖത്തറിലെ സ്കൂളുകൾ അണുവിമുക്തമാക്കുക, മാസ്ക് ധരിക്കുക, അകലം പാലിക്കുക, കൈ കഴുകുക അല്ലെങ്കിൽ ഹാൻഡ് സാനിറ്റൈസർ ഉപയോഗിക്കുക, ഭക്ഷണം പങ്കിടുന്നത് ഒഴിവാക്കുക എന്നിങ്ങനെയുള്ള എല്ലാ മുൻകരുതലുകളും പ്രയോഗിക്കുന്നത് തുടരും.