പെരുന്നാള് അവധി കഴിഞ്ഞ് ഖത്തറിലെ ബാങ്കുകള് നാളെ പ്രവർത്തനം പുനരാരംഭിക്കും. രാജ്യത്തെ ബാങ്കുകള്, എക്സ്ചേഞ്ച് സ്റ്റോറുകള്, ഇന്ഷുറന്സ് കമ്പനികള്, ഫിനാന്സ്, ഇന്വെസ്റ്റ്മെന്റ്, ഫിനാന്ഷ്യല് അഡൈ്വസറികള് എന്നിവയുള്പ്പെടെ രാജ്യത്തെ എല്ലാ ധനകാര്യ സ്ഥാപനങ്ങള്ക്കും മെയ് 1 മുതല് 5 വരെയായിരുന്നു പെരുന്നാള് അവധി.
വെള്ളിയും ശനിയും വാരാന്ത്യ അവധി ദിനങ്ങളായതിനാല് രാജ്യത്തെ എല്ലാ ധനകാര്യ സ്ഥാപനങ്ങളും ബാങ്കുകളും അവധി കഴിഞ്ഞ് മെയ് 8 ഞായറാഴ്ച മുതല് ബിസിനസ്സ് പുനരാരംഭിക്കുമെന്ന് ഖത്തര് സെന്ട്രല് ബാങ്ക് അറിയിച്ചു.
മന്ത്രാലയങ്ങള്ക്കും മറ്റ് സര്ക്കാര് സ്ഥാപനങ്ങള്ക്കും പൊതു സ്ഥാപനങ്ങള്ക്കും മെയ് 9 തിങ്കളാഴ്ച അവധി അവസാനിക്കും. ജീവനക്കാര് 2022 മെയ് 10 ചൊവ്വാഴ്ചയാണ് ജോലി പുനരാരംഭിക്കുക. അതേസമയം സ്വകാര്യമേഖല വ്യാഴാഴ്ച മുതൽ സജീവമാണ്.