മെസി, നെയ്മർ, എംബാപ്പെ അടങ്ങുന്ന പിഎസ്ജി ടീം ഈ മാസം ഖത്തറിലെത്തും
അടുത്തിടെ പത്താം തവണ ഫ്രഞ്ച് ചാമ്പ്യൻമാരായ പിഎസ്ജി ടീം മെയ് 15, 16 തീയതികളിൽ ദോഹയിലെത്തും. ഫുട്ബോളിലെ സൂപ്പർ താരങ്ങളെ കാണാൻ ഖത്തർ ആരാധകർക്ക് അവസരം നൽകുന്നതാണ് ഈ പരിപാടി.
കഴിഞ്ഞ ജനുവരിയിൽ ഷെഡ്യൂൾ ചെയ്തിരുന്ന ഈ പര്യടനം പിഎസ്ജി ടീമിന് ഖത്തർ അനുഭാവികളെ കാണാനും ഖത്തറിലെ ക്ലബ്ബിന്റെ പങ്കാളികളായ എഎൽഎൽ, അസ്പെറ്റാർ, ഉറീദു, ഖത്തർ എയർവേയ്സ്, ഖത്തർ ടൂറിസം, ക്യുഎൻബി തുടങ്ങിയവരുടെ പരിപാടികളിൽ പങ്കെടുക്കാനുമുള്ള അവസരവുമാണ്. മോണ്ട്പെല്ലിയറിനെതിരായ ലീഗ് 1 മത്സരത്തിനായി ടീം തിരിച്ചു പോകും.
നവംബർ 21 മുതൽ ഫുട്ബോൾ ലോകകപ്പിന് ആതിഥേയത്വം വഹിക്കാനൊരുങ്ങുന്ന ഖത്തറിലേക്കുള്ള ഈ യാത്ര, രാജ്യത്തിന്റെ കായിക സൗകര്യങ്ങളുടെ നൂതനമായ സവിശേഷതകളിൽ ശ്രദ്ധ കേന്ദ്രീകരിക്കാനുള്ള അവസരം താരങ്ങൾക്കും സമ്മാനിക്കും. ഇവന്റിനായി പ്രത്യേകം നിർമ്മിച്ച രണ്ട് സ്റ്റേഡിയങ്ങൾ ടീമിന്റെ കളിക്കാർ സന്ദർശിക്കും.
Messi, Neymar and Mbappe head to Qatar in May for PSG spring tour#Qatar #PSG #football https://t.co/30KQEnaziP
— The Peninsula Qatar (@PeninsulaQatar) May 4, 2022