തിങ്കളാഴ്ച രാജ്യത്ത് ശക്തമായ കാറ്റും കാഴ്ചക്കുറവും ഉണ്ടാകുമെന്ന് ഖത്തർ കാലാവസ്ഥാ വകുപ്പ് അറിയിച്ചു. കടലിലും കടൽത്തീരങ്ങളിലും കാറ്റുള്ള കാലാവസ്ഥ പ്രവചിക്കപ്പെട്ടിട്ടുണ്ട്. കാറ്റിന്റെ വേഗത ചിലപ്പോൾ 35 നോട്ട് വരെ ഉയരാമെന്നും കടൽനിരപ്പ് 12 അടി വരെ ഉയരുമെന്നും ക്യുഎംഡി അറിയിച്ചു.
വിശദമായ പ്രവചനം പറയുന്നത് പകൽ സമയത്ത് താരതമ്യേന ചൂടായിരിക്കുമെന്നും ചില സമയങ്ങളിൽ പൊടിപടലങ്ങൾ ഉണ്ടാകാനുള്ള സാധ്യതയുണ്ടെന്നുമാണ്. ദൃശ്യപരത, ചില സ്ഥലങ്ങളിൽ 2 കിലോമീറ്ററോ അതിൽ കുറവോ ആയിരിക്കും. തിങ്കളാഴ്ച കടലിലും നേരിയ തോതിൽ പൊടി നിറഞ്ഞ അവസ്ഥ പ്രതീക്ഷിക്കുന്നു.
ഞായറാഴ്ച ദോഹയിലും രാജ്യത്തിന്റെ മറ്റ് ഭാഗങ്ങളിലും കാറ്റും പൊടിക്കാറ്റും അനുഭവപ്പെട്ടതിനാൽ ചില സ്ഥലങ്ങളിൽ ദൃശ്യപരത കുറഞ്ഞു. നിലവിലെ സാഹചര്യങ്ങൾ കണക്കിലെടുത്ത് ജനങ്ങൾ ജാഗ്രത പാലിക്കണമെന്ന് കാലാവസ്ഥാ വകുപ്പ് അറിയിച്ചു. ഞായറാഴ്ച മുതൽ ആഴ്ചാവസാനം വരെ രാജ്യത്ത് ശക്തമായ വടക്കുപടിഞ്ഞാറൻ കാറ്റ് പ്രതീക്ഷിക്കുന്നതായി ശനിയാഴ്ച ഡിപ്പാർട്ട്മെന്റ് അറിയിച്ചിരുന്നു.
The detailed forecast says it will be relatively hot during the daytime, while dusty conditions are also likely at times. Visibility, meanwhile, 2km or less in some places occasionally. https://t.co/puUeSwLDv6
— Gulf Times (@GulfTimes_QATAR) May 8, 2022