ടൂർണമെന്റുകൾക്കും സാംസ്കാരിക പരിപാടികൾക്കുമായി MOI ഇ-വിസ ആരംഭിച്ചു.
ദോഹ : ഖത്തറിൽ നടക്കുന്ന പ്രത്യേക ടൂർണമെന്റുകൾക്കോ സാംസ്കാരികോത്സവങ്ങൾക്കോ ആയി രാജ്യം സന്ദർശിക്കാൻ താൽപ്പര്യമുള്ളവർക്ക് പ്രത്യേക വിസ നൽകുന്നതിനായി ആഭ്യന്തര മന്ത്രാലയം ഇന്ന് ഒരു ഇ-പോർട്ടൽ ആരംഭിച്ചു.
വ്യവസായ മന്ത്രാലയത്തിൽ നടന്ന പത്രസമ്മേളനത്തിൽ സംസാരിച്ച ആഭ്യന്തര മന്ത്രാലയത്തിലെ വിസ സപ്പോർട്ട് സർവീസസ് ഡയറക്ടർ മേജർ അബ്ദുല്ല ഖലീഫ അൽ മോഹന്നദി ആണ് ഇതുമായി ബന്ധപ്പെട്ട കാര്യങ്ങളിൽ വിശദീകരിച്ചത്.
ഒരിക്കൽ അപേക്ഷിച്ചുകഴിഞ്ഞാൽ രണ്ട് പ്രവൃത്തി ദിവസത്തിനുള്ളിൽ വിസ ഇഷ്യു ചെയ്യുമെന്നും അത് ടൂർണമെന്റിലേക്കോ അല്ലെങ്കിൽ ഉത്സവകാലത്തേക്കോ സാധുതയുള്ളതാണെന്നും അധികൃതർ പറഞ്ഞു.
രാജ്യത്തിന്റെ സാമ്പത്തിക വളർച്ച വർദ്ധിപ്പിക്കാൻ ഖത്തർ വിസ ഇ-പോർട്ടൽ സഹായിക്കുമെന്നും ആദ്യ ഘട്ടത്തിൽ ഖത്തറിന് പുറത്തുനിന്നുള്ള വിസ അപേക്ഷകളിൽ മാത്രമായി സേവനം പരിമിതപ്പെടുത്തുമെന്നും മോഹന്നദി സൂചിപ്പിച്ചു.
ഖത്തറിലേക്കുള്ള പ്രവേശന നടപടിക്രമങ്ങൾ സുഗമമാക്കുക എന്നതാണ് പോർട്ടലിന്റെ പ്രധാന ലക്ഷ്യം.
