ജാബിർ ബിൻ മുഹമ്മദ് സ്ട്രീറ്റ് ദീർഘകാലത്തേക്ക് അടച്ചിടും
ഇസ്ലാമിക് മ്യൂസിയം ഇന്റർസെക്ഷനും അൽ മിർകാബ് റൗണ്ട് എബൗട്ടിനുമിടയിൽ ജാബർ ബിൻ മുഹമ്മദ് സ്ട്രീറ്റിൽ 600 മീറ്റർ ദൂരം അടച്ചതായി പൊതുമരാമത്ത് അതോറിറ്റി (അഷ്ഗൽ) അറിയിച്ചു. ഓരോ ദിശയിലും ഒരു പാത അടച്ചിട്ട് ഗതാഗതത്തിനായി ഒരു പാത തുറന്നിടും. ജനറൽ ഡയറക്ടറേറ്റ് ഓഫ് ട്രാഫിക്കുമായി ഏകോപിപ്പിച്ച് നവംബർ 6 മുതൽ ഒരു വർഷത്തേക്കാണ് റോഡ് അടച്ചിടുക.
ദോഹ കേന്ദ്ര വികസന, സൗന്ദര്യവത്കരണ പ്രൊജക്ടിലെ പാക്കേജ് 2ന്റെ ഭാഗമായി ജബ്ർ ബിൻ മുഹമ്മദ് സ്ട്രീറ്റിൽ അടിസ്ഥാന സൗകര്യങ്ങളുടെ വികസനവും സൗന്ദര്യവൽക്കരണ പ്രവർത്തനങ്ങളും നടപ്പിലാക്കാനാണ് അടച്ചുപൂട്ടൽ നടത്തുന്നത്.
One-year road closure on Jabr Bin Mohamed Street and Islamic Museum Intersection#Qatar #Ashghalhttps://t.co/nEeA45JC5R
— The Peninsula Qatar (@PeninsulaQatar) November 3, 2020
ഇസ്ലാമിക് മ്യൂസിയം കവലയിലേക്കുള്ള അബ്ദുല്ല ബിൻ ജാസിം സ്ട്രീറ്റിൽ നിന്ന് പുറത്തുകടക്കുന്നതിനുള്ള റോഡും അടച്ചിടും. റോഡ് ഉപയോക്താക്കൾ‌ക്ക് ജബർ ബിൻ മുഹമ്മദ് സ്ട്രീറ്റ് ഉപയോഗിക്കാനും മാപ്പിൽ കാണിച്ചിരിക്കുന്നതുപോലെ അൽ മിർകാബ് റൗണ്ട് എബൗട്ടിൽ നിന്നും ഒരു യു-ടേൺ നടത്തി അവരുടെ ലക്ഷ്യസ്ഥാനത്തെത്താനും കഴിയും.
കൂടാതെ, ഇസ്ലാമിക് മ്യൂസിയം ഇൻറർ സെക്ഷനിൽ അൽ കോർണിഷ് സ്ട്രീറ്റിൽ നിന്ന് ജാബർ ബിൻ മുഹമ്മദ് സ്ട്രീറ്റിലേക്കും പുറത്തേക്കും പോകുന്ന റോഡിലും അടയ്ക്കൽ നടപ്പിലാക്കും. അടയ്‌ക്കുന്ന സമയത്ത്, ഇന്റർസെക്ഷൻ ഉപയോഗിക്കുന്നവർക്ക് അവിടെ നിന്നും യു-ടേൺ എടുത്ത് അവരുടെ ലക്ഷ്യസ്ഥാനങ്ങളിലേക്ക് തുടരാൻ കഴിയും.
ഉപയോക്താക്കളെ ഇക്കാര്യങ്ങൾ അറിയിക്കാൻ പൊതുമരാമത്ത് അതോറിറ്റി മതിയായ റോഡ് സൈനേജുകൾ സ്ഥാപിക്കും. എല്ലാവരുടേയും സുരക്ഷ ഉറപ്പാക്കുന്നതിന്, വേഗത പരിധി പാലിക്കുകയും റോഡ് അടയാളങ്ങൾ പാലിക്കുകയും വേണം.
