ഖത്തറിൽ കൊവിഡ് നിയന്ത്രണങ്ങളുടെ ലംഘനം വർദ്ധിക്കുന്നു, മൂന്നു പേർ അറസ്റ്റിൽ
ഖത്തറില് കോവിഡ് പ്രോട്ടോക്കോൾ ലംഘനം കണ്ടെത്താനുള്ള പരിശോധനകളിൽ ഇന്നലെ 845 പേര് നടപടി നേരിട്ടതായി ആഭ്യന്തര മന്ത്രാലയം അറിയിച്ചു. ഫേസ് മാസ്ക് ധരിക്കാത്തതിന് 581 പേരും, പാര്ക്കുകളിലും കോർണിഷുകളിലും കൂട്ടം ചേര്ന്നതിന് 179 പേരും നടപടി നേരിട്ടു.
ഇതു കൂടാതെ നിർദ്ദിഷ്ട സ്ഥലങ്ങളിൽ സാമൂഹിക അകലം പാലിക്കാത്തതിന് 77 പേർ, മൊബൈലില് ഇഹ്തിറാസ് ആപ്പ് ഡൗണ്ലോഡ് ചെയ്യാത്തതിന് 5 പേർ എന്നിവർ നടപടി നേരിട്ടതിനു പുറമേ ഹോം ക്വാറൻറീൻ ലംഘനം നടത്തിയതിന് മൂന്നു പേർ അറസ്റ്റ് ചെയ്യപ്പെടുകയും ചെയ്തു.
അബ്ദുള്ള ഖാലിദ് അലി അബ്ദുൾ കരീം അൽ ഹമ്മാദി, മൊഹമ്മദ് സരി, ജെൻറ കാട്ടൽ എന്നിവരാണ് അറസ്റ്റ് ചെയ്യപ്പെട്ടത്.
സ്വന്തം സുരക്ഷയും രാജ്യത്തിന്റേയും ജനങ്ങളുടേയും സുരക്ഷയും കണക്കിലെടുത്ത് എല്ലാവരും കൊവിഡ് സംബന്ധിച്ച പ്രോട്ടോക്കോളുകള് കർശനമായി പാലിക്കണമെന്ന് അധികൃതര് ആവശ്യപ്പെട്ടു.
The designated authorities called on the public to adhere to the precautionary measures in place to ensure their safety and the safety of others. #Covid19 #Doha #Qatar https://t.co/RDU84Wzhyu
— The Peninsula Qatar (@PeninsulaQatar) May 22, 2021