പൂനെയിലെ സാവിത്രിബായ് ഫൂലെ സർവകലാശാലക്ക് (എസ്പിപിയു) ഖത്തറിലെ ദോഹയിൽ ഉപകേന്ദ്രം ആരംഭിക്കാൻ അനുമതി നൽകിയിട്ടുണ്ടെന്ന് മഹാരാഷ്ട്ര ഉന്നത വിദ്യാഭ്യാസ മന്ത്രി ഉദയ് സമന്ത് പറഞ്ഞു. ഫെബ്രുവരി 18 വ്യാഴാഴ്ച എസ്‌പി‌പിയുവിൽ സംസാരിക്കുകയായിരുന്നു അദ്ദേഹം.
പരാതി പരിഹാര ഫോറം യോഗത്തിൽ പങ്കെടുത്ത അദ്ദേഹം വിദ്യാർത്ഥികൾ നേരിടുന്ന പ്രശ്നങ്ങളെക്കുറിച്ച് കേൾക്കുകയും ചെയ്തു. ദോഹയിൽ സിലബസ് ആരംഭിക്കാൻ എസ്‌പി‌പിയുവിന് ആവശ്യമായ അനുമതി നൽകിയിട്ടുണ്ടെന്നും ഉപകേന്ദ്രം തുറക്കുന്നതിന് എസ്‌പി‌പിയുവും ഖത്തർ സർക്കാരും തമ്മിലുള്ള ധാരണാപത്രം 2019ൽ നൽകിയിരുന്നുവെന്നും സമന്ത് പറഞ്ഞു.
Source: NDTV
