ലേബർ റീഎംപ്ലോയ്മെന്റ് പ്ലാറ്റ്ഫോമിന്റെ അപ്ഡേഷൻ ഖത്തർ ചേംബർ പൂർത്തിയാക്കി
ഖത്തർ ചേംബർ (ക്യുസി) അഡ്മിനിസ്ട്രേറ്റീവ് ഡവലപ്മെന്റ്, ലേബർ, സോഷ്യൽ അഫയേഴ്സ് മന്ത്രാലയവുമായി (മാഡ് എൽഎസ്എ) സഹകരിച്ച് ‘ലേബർ റീ-എംപ്ലോയ്‌മെന്റ് പ്ലാറ്റ്ഫോമിന്റെ’ വികസനവും മെച്ചപ്പെടുത്തലും വിജയകരമായി പൂർത്തിയാക്കിയതായി പ്രഖ്യാപിച്ചു. കഴിഞ്ഞ ജൂലൈയിൽ മന്ത്രാലയവുമായി സഹകരിച്ച് ചേംബർ നടപ്പിലാക്കിയ സംരംഭമാണിത്.
എല്ലാ കമ്പനികൾക്കും ലഭ്യമാകുന്ന തരത്തിലുള്ള ഇലക്ട്രോണിക് ഗേറ്റ്‌വേയായി പ്ലാറ്റ്ഫോം വികസിപ്പിക്കുകയും അപ്‌ഡേറ്റ് ചെയ്യുകയും ചെയ്തുവെന്ന് സംയുക്ത പ്രസ്താവനയിൽ പറയുന്നു. പ്ലാറ്റ്ഫോം കൂടുതൽ കാര്യക്ഷമമാക്കുന്നതിന് മന്ത്രാലയവും ചേംബറും തമ്മിൽ ഒരു ഇലക്ട്രോണിക് ലിങ്ക് സജ്ജീകരിച്ചതും പുതിയ അപ്‌ഡേറ്റിൽ ഉൾപ്പെടുന്നു. ഈ അപ്‌ഡേറ്റ് അനുസരിച്ച്, പുതിയ ജീവനക്കാരെ നിയമിക്കാൻ ആഗ്രഹിക്കുന്ന കമ്പനികൾക്ക് ഈ ലിങ്ക് വഴി പ്ലാറ്റ്ഫോമിലേക്ക് പ്രവേശിക്കാൻ കഴിയും.
Qatar Chamber updates Labour Re-employment Platform#Qatarhttps://t.co/Mclg8HXJyO
— The Peninsula Qatar (@PeninsulaQatar) October 13, 2020
തുടർന്ന്, രജിസ്ട്രേഷൻ സജീവമാക്കുന്നതിന് കമ്പനിക്ക് ഒരു ഇമെയിൽ ലഭിക്കുകയും അതിനുശേഷം ആവശ്യമായ വിവരങ്ങൾ പൂരിപ്പിക്കുന്നതിന് ലോഗിൻ ചെയ്യാനും കഴിയും. ഈ ആപ്ലിക്കേഷൻ പിന്നീട് അവലോകനത്തിലായിരിക്കും.
അപേക്ഷ മന്ത്രാലയത്തിന് കൈമാറിയതിനു ശേഷം കമ്പനിക്ക് തൊഴിൽ സംബന്ധമായ എന്തെങ്കിലും ലംഘനങ്ങൾ ഉണ്ടോയെന്ന് പരിശോധിക്കുകയും തുടർന്ന് അപേക്ഷ ‘അംഗീകരിച്ചു’ എന്ന് വ്യക്തമാക്കുന്ന ഒരു ഇമെയിലും അയയ്ക്കും. ഇതിനുശേഷം കമ്പനിക്ക് സ്ഥാനാർത്ഥികളുടെ ബയോഡാറ്റകൾ അവലോകനം ചെയ്യാനും ഉചിതമായ ജീവനക്കാരെ തിരഞ്ഞെടുക്കാനും കഴിയും.
കമ്പനി സ്ഥാനാർത്ഥികളെ ഷോർട്ട്‌ലിസ്റ്റ് ചെയ്ത ശേഷം, ജോലിസ്ഥലം മാറ്റുന്നതിനുള്ള നടപടിക്രമങ്ങൾക്കായുള്ള മറ്റൊരു ലിങ്ക് ലഭിക്കും. മന്ത്രാലയവുമായുള്ള നടപടിക്രമങ്ങൾ പൂർ‌ത്തിയാക്കുകയും പുതിയ കമ്പനിയിലേക്ക്‌ തൊഴിൽ കൈമാറ്റം ചെയ്തതിന്‌ ശേഷം, പുതിയ കമ്പനിയിലേക്ക്‌ മാറിയ തൊഴിലാളികളുടെ പേരുകൾ മന്ത്രാലയവും സംയുക്ത കമ്മീഷനും ചേംബറിനെ അറിയിക്കുകയും അവരെ പ്ലാറ്റ്ഫോമിൽ നിന്നും നീക്കം ചെയ്യുകയും ചെയ്യും.
കമ്പനി നടത്തിയ ലംഘനങ്ങൾ കാരണം അപേക്ഷ നിരസിക്കുകയാണെങ്കിൽ, നിരസിച്ചതിന്റെ കാരണം വ്യക്തമാക്കുന്ന ഒരു ഇമെയിൽ കമ്പനിക്ക് അയയ്‌ക്കുകയും പ്ലാറ്റ്ഫോമിൽ നിന്ന് പ്രയോജനം ലഭിക്കാത്തതിനു കാരണമായ പ്രശ്‌നങ്ങൾ പരിഹരിക്കാൻ കമ്പനിയോട് അഭ്യർത്ഥിക്കുകയും ചെയ്യും. ഉചിതമായ തൊഴിലാളികളെ നേടാൻ കമ്പനികളെ സഹായിക്കാനും പ്രാദേശിക വിപണിയിൽ വിവിധ പദ്ധതികളുടെയും ബിസിനസുകളുടെയും തുടർച്ച ഉറപ്പാക്കാനും ലേബർ പ്ലാറ്റ്ഫോം ലക്ഷ്യമിടുന്നു.
