വിസ സെൻററുകൾ തുറക്കുന്നത് തൊഴിലാളികൾക്കു ഖത്തറിലെത്താൻ വഴിയൊരുക്കും, ഖത്തറിലെ തൊഴിൽ മേഖല ഊർജ്ജിതമാകുന്നു
ഖത്തറിലേക്ക് പ്രധാനമായും തൊഴിലാളികളെത്തുന്ന രാജ്യങ്ങളിലെ വിസ കേന്ദ്രങ്ങൾ വീണ്ടും തുറക്കാനുള്ള സർക്കാർ തീരുമാനത്തെ പ്രാദേശിക ബിസിനസുകാർ സ്വാഗതം ചെയ്തു. പ്രാദേശിക വിപണിക്ക് തൊഴിലാളികളെ ആവശ്യമുള്ള സമയത്ത് കമ്പനികൾക്ക് ഇത് ഒരു വലിയ ആശ്വാസമാണ്.
“പുതുതായി തുറന്ന ഞങ്ങളുടെ സ്റ്റോറുകൾക്കും വരും മാസങ്ങളിൽ തുറക്കാനിരിക്കുന്ന സ്റ്റോറുകൾക്കുമായി വിദേശത്ത് നിന്ന് തൊഴിലാളികളെ റിക്രൂട്ട് ചെയ്യുന്നതിനായി ക്യുവിസി സെന്ററുകൾ വീണ്ടും തുറക്കുന്നതിനായി ഞങ്ങൾ കാത്തിരിക്കുകയായിരുന്നു.” ലുലു ഹൈപ്പർമാർക്കറ്റ്സ് ഡയറക്ടർ ഡോ. മുഹമ്മദ് അൽതാഫ് പെനിൻസുലയോട് പറഞ്ഞു.
ഇന്ത്യയിലെ കൊച്ചിയിലെ ക്യുവിസിയിൽ നടക്കുന്ന ആദ്യ ബാച്ചിൽ നൂറിലധികം വിസകൾ പ്രോസസ്സ് ചെയ്യാൻ ലുലു ഹൈപ്പർമാർക്കറ്റുകൾ തയ്യാറെടുക്കുകയാണെന്നും അൽതാഫ് പറഞ്ഞു. ഇന്ത്യ, നേപ്പാൾ, പാകിസ്ഥാൻ, ഫിലിപ്പീൻസ് തുടങ്ങിയ കയറ്റുമതി രാജ്യങ്ങളിൽ ക്യുവിസി സേവനങ്ങൾ വീണ്ടും തുറക്കുന്നത് തൊഴിലാളികളെ കാത്തിരിക്കുന്ന കമ്പനികൾക്ക് വലിയ ആശ്വാസം നൽകുമെന്ന അഭിപ്രായവും അദ്ദേഹം പ്രകടിപ്പിച്ചു.
ഇന്ത്യൻ ബിസിനസ് ആന്റ് പ്രൊഫഷണൽ കൗൺസിൽ (ഐബിപിസി) പ്രസിഡന്റ് അസിം അബ്ബാസും തീരുമാനത്തെ പ്രശംസിച്ചു. “കൊവിഡ് പൊട്ടിപ്പുറപ്പെട്ടതിനു ശേഷം നിരവധി ആളുകൾ രാജ്യം വിട്ടതിനാൽ പ്രാദേശിക വിപണിക്ക് തൊഴിലാളികളെ ആവശ്യമാണ്.പുതിയ തീരുമാനം നിർമാണത്തിനും മറ്റ് കമ്പനികൾക്കും തങ്ങളുടെ പ്രോജക്ടുകൾ വർദ്ധിപ്പിക്കുന്നതിനും കൃത്യസമയത്ത് പൂർത്തിയാക്കുന്നതിനും വിദേശത്തു നിന്ന് തൊഴിലാളികളെ നിയമിക്കാൻ സഹായിക്കും.” അബ്ബാസ് പറഞ്ഞു.
തൊഴിലുടമകൾക്കുള്ള നടപടിക്രമങ്ങൾ ലളിതമാക്കുകയും സുഗമമാക്കുകയും ഖത്തറിൽ ജോലിക്ക് വരുന്ന പ്രവാസി തൊഴിലാളികൾക്ക് കൂടുതൽ സംരക്ഷണം നൽകുകയും ചെയ്യുക എന്നതാണ് വിസ സെന്ററുകളുടെ ലക്ഷ്യം. ഫിംഗർപ്രിന്റിംഗ് ആൻഡ് പ്രോസസ്സിംഗ് ബയോമെട്രിക് ഡാറ്റ, മെഡിക്കൽ എക്സാമിനേഷൻ, തൊഴിൽ കരാറുകളിൽ ഒപ്പിടൽ എന്നിവയാണ് വിസ സെന്ററുകളുടെ പ്രധാന സേവനങ്ങൾ.
നേരത്തെ തന്നെ ഇന്ത്യയിലെ ഖത്തർ വിസ സെന്ററുകൾ തുറന്നിരുന്നു. ഈ മാസം പാകിസ്ഥാൻ, നേപ്പാൾ, ഫിലിപ്പീൻസ് എന്നിവിടങ്ങളിലും ക്യുവിസി സെന്ററുകൾ വീണ്ടും പ്രവർത്തനമാരംഭിക്കും.
Local businessmen have welcomed the government decision to reopen the visa centres in major workforce exporting countries terming it a ‘great relief’ for companies at a time when local market needs workers.#Qatar #VisaCenters #QatarVisaCentre #Doha https://t.co/5QNC6EmzGA
— The Peninsula Qatar (@PeninsulaQatar) December 9, 2020