ചൊവ്വാഴ്ച ചില സമയങ്ങളിൽ ഖത്തറിലെ ചില ഭാഗങ്ങളിൽ ചിതറിയ മഴ പെയ്യാൻ സാധ്യതയുണ്ടെന്ന് ഖത്തർ കാലാവസ്ഥാ വകുപ്പ് (ക്യുഎംഡി) റിപ്പോർട്ട് ചെയ്തു. പൊടിയും ഇടയ്ക്കിടെയുള്ള ആലിപ്പഴവും ശക്തമായ കാറ്റും പ്രതീക്ഷിക്കുന്നുണ്ടെന്നും ക്യുഎംഡി വ്യക്തമാക്കി.
ഇന്നു പകൽസമയത്ത് ചൂടുള്ള കാലാവസ്ഥയും രാത്രി ചില സ്ഥലങ്ങളിൽ നേരിയ മഴയ്ക്കുള്ള സാധ്യതയുമാണ് ക്യുഎംഡി പ്രവചിക്കുന്നത്. വടക്ക് പടിഞ്ഞാറ് നിന്ന് വടക്കുകിഴക്ക് 5 മുതൽ 15 നോട്ടിക്കൽ മൈൽ വേഗതയിൽ കാറ്റ് വീശാൻ സാധ്യതയുണ്ട്. ദോഹയിലെ ഏറ്റവും കുറഞ്ഞതും കൂടിയതുമായ താപനില 27 ഡിഗ്രി സെൽഷ്യസിനും 35 ഡിഗ്രി സെൽഷ്യസിനും ഇടയിലായിരിക്കും.
Chance of scattered rain and occasional hail on Tuesday: QMD#Qatar https://t.co/c7bXnDSS33
— The Peninsula Qatar (@PeninsulaQatar) October 11, 2020
ചൊവ്വാഴ്ച ചിതറിയ മഴയുടെ സാധ്യത കണക്കിലെടുത്ത്, ഈ കാലാവസ്ഥയിൽ സുരക്ഷ ഉറപ്പാക്കുന്നതിനുള്ള വിവരങ്ങൾ ക്യുഎംഡി അടുത്തിടെ പട്ടികപ്പെടുത്തിയിരുന്നു.
1. ട്രാക്കുകളിൽ സാവധാനം നീങ്ങുക
2. വേഗത കുറയ്ക്കുക
3. സുരക്ഷിതമായ അകലം പാലിക്കുക
4. ഹെഡ്ലൈറ്റുകൾ ഓണാക്കുക
5. ഡ്രൈവിംഗ് സമയത്ത് മൊബൈൽ ഫോൺ ഉപയോഗിക്കുന്നത് പോലെ ശ്രദ്ധ തിരിയുന്ന കാര്യങ്ങൾ ഒഴിവാക്കുക
6. വെള്ളത്തിൽ മുങ്ങിയ റോഡുകൾ ഒഴിവാക്കുക