മത്സ്യബന്ധനത്തിന്റെ ചിലവു കുറക്കാൻ സഹായവുമായി എംഎംഇ, ഇന്ധനവും ഐസ് ബ്ലോക്കുകളും നൽകും
മത്സ്യബന്ധന ചെലവ് കുറയ്ക്കുന്നതിനായി മത്സ്യത്തൊഴിലാളികൾക്കും കപ്പൽ ഉടമകൾക്കും ഇന്ധനം, ഐസ് ബ്ലോക്കുകൾ, ക്രഷ്ഡ് ഐസ് എന്നിവ വിതരണം ചെയ്യുന്നതിന് ഖത്തർ ഫ്യുവൽ കമ്പനി (വുഖൂദ്), ഐസ് ഫാക്ടറികൾ എന്നിവയുമായി മുനിസിപ്പാലിറ്റി പരിസ്ഥിതി മന്ത്രാലയം (എംഎംഇ) സഹകരണ കരാർ ഒപ്പുവെച്ചു.
480 മത്സ്യബന്ധന കപ്പലുകൾക്ക് ഐസ് ബ്ലോക്കുകളും 350 ഫിഷിംഗ് ബോട്ടുകൾക്ക് ക്രഷ്ഡ് ഐസും വിതരണം ചെയ്യുകയാണ് പരിപാടി. കൂടാതെ, അവർക്ക് ഇന്ധനവും നൽകും. 2021 മുതൽ മൂന്ന് വർഷത്തേക്കാണ് ഈ പദ്ധതി.
ഇതിന്റെ ഗുണഭോക്തക്കളാകാൻ ആഗ്രഹിക്കുന്ന ഫിഷിംഗ് ബോട്ട് ഉടമകൾക്കുള്ള ആവശ്യകതകൾ:
1- സാധുവായ ഫിഷിംഗ് പെർമിറ്റ്
2- കടൽ യാത്രകളുടെ എണ്ണം. സബ്സിഡികൾ അനുവദിക്കുന്ന വർഷത്തിൽ ഓരോ ബോട്ടും 84 ട്രിപ്പുകളിൽ കുറയാതെ ചെയ്യണം.
3- അപേക്ഷകൻ ജലസ്രോതസ്സുകളെ സംബന്ധിച്ച നിയമങ്ങളും ചട്ടങ്ങളും പാലിച്ചിരിക്കണം. കൂടാതെ അപേക്ഷ സമർപ്പിച്ച തീയതിയുടെ മുൻ വർഷം മുതൽ ഒരു ലംഘനവും നടത്തരുത്.
4- പ്രവേശനത്തിനും പുറത്തുകടക്കലിനുമായി എല്ലാ ബോട്ടുകളും പ്രധാന തുറമുഖങ്ങൾ (അൽ വക്ര, ദോഹ, അൽ ഖോർ, അൽ തഖിറ, അൽ റുവൈസ്) ഉപയോഗിക്കണം.
ഗുണഭോക്താക്കളാകാൻ ആഗ്രഹിക്കുന്ന മത്സ്യബന്ധന കപ്പലുകളുടെ ഉടമകൾക്കുള്ള ആവശ്യകതകൾ:
1- സാധുവായ ഒരു ഫിഷിംഗ് പെർമിറ്റ്
2- കടൽ യാത്രകളുടെ എണ്ണം. ഓരോ കപ്പലിനും പ്രതിമാസം രണ്ട് ട്രിപ്പുകളും അഭ്യർത്ഥന സമർപ്പിക്കുന്ന തീയതിക്ക് മുമ്പുള്ള വർഷത്തിൽ ആകെ 24 ട്രിപ്പുകളും ഉണ്ടായിരിക്കണം.
3- അപേക്ഷകൻ ജലസ്രോതസ്സുകളെ സംബന്ധിച്ച നിയമങ്ങളും ചട്ടങ്ങളും പാലിച്ചിരിക്കണം. കൂടാതെ അപേക്ഷ സമർപ്പിച്ച തീയതിയുടെ മുൻ വർഷം മുതൽ ഒരു ലംഘനവും നടത്തരുത്.
4- പ്രവേശനത്തിനും പുറത്തുകടക്കലിനുമായി എല്ലാ ബോട്ടുകളും പ്രധാന തുറമുഖങ്ങൾ (അൽ വക്ര, ദോഹ, അൽ ഖോർ, അൽ തഖിറ, അൽ റുവൈസ്) ഉപയോഗിക്കണം.
MME to support fishing boats and ships with ice and fuel#Qatar https://t.co/e5FhfwIiBu
— The Peninsula Qatar (@PeninsulaQatar) June 3, 2021