ദോഹ: ശ്വാസതടസ്സം, കാഴ്ച വൈകല്യങ്ങൾ, മുഖത്തെ പേശികളുടെ ബലഹീനത, ഭക്ഷണം കഴിക്കാനുള്ള ബുദ്ധിമുട്ട് തുടങ്ങിയ അസുഖങ്ങൾ കാരണം ആശുപത്രിയിൽ അഡ്മിറ്റ് ആയ പിതാവിനും കുട്ടികൾക്കും ഭക്ഷ്യവിഷബാധയുണ്ടെന്ന് സംശയിക്കുന്നതായി ആരോഗ്യ മന്ത്രാലയം.
— وزارة الصحة العامة (@MOPHQatar) November 18, 2019
മുഖത്തെ ഞരമ്പുകൾ, തൊണ്ട, ശ്വസനം എന്നിവയെ ബാധിക്കുന്ന ബോട്ടുലിനം ബാക്ടീരിയ എന്നറിയപ്പെടുന്ന പ്രത്യേക തരം ബാക്ടീരിയ മൂലമുണ്ടാകുന്ന വിഷത്തിന് സമാനമാണ് രോഗലക്ഷണ തെളിവുകളെന്ന് ഇതിനെ കുറിച്ച് അന്വേഷിച്ച റിപ്പോർട്ടിൽ വ്യക്തമാക്കുന്നു. ടിന്നിലടച്ച ഭക്ഷ്യ വസ്തുക്കളിൽ ആണ് ഈ ബാക്ടീരിയകൾ പ്രധാനമായും കാണപ്പെടുന്നത്. പ്രത്യേകിച്ച് സോസേജ്, മോർട്ടഡെല്ല, പുകവലി എന്നിവയുടെയും ഈ ബാക്ടീരിയകൾ വർധിക്കുന്നുവെന്നും ഡോക്ടർമാർ സാക്ഷ്യപെടുത്തുന്നു.
ഈ രോഗം തടയുന്നതിനായി ആന്റി ടോക്സിൻ മരുന്നുകൾ മന്ത്രാലയം വഴി നൽകുന്നുണ്ട്. എന്നാൽ ഇതല്ലാതെ സമാനമായ കേസുകൾ റിപ്പോർട്ട് ചെയ്തിട്ടില്ലെന്നും അണുബാധയുടെ ഉറവിട സാധ്യതകൾ കണ്ടെത്തി നശിപ്പിക്കുമെന്നും മന്ത്രാലയം ഇറക്കിയ രേഖയിൽ സൂചിപ്പിക്കുന്നു.
