ബംഗ്ലാദേശ്, ഇന്ത്യ, പാകിസ്ഥാൻ, ശ്രീലങ്ക എന്നീ രാജ്യങ്ങളിൽ നിന്നുള്ള പ്രവാസികൾക്ക് ഫാമിലി വിസിറ്റിംഗ് വിസക്ക് മെട്രാഷ്2 വഴി അപേക്ഷിക്കാൻ കഴിയും. ഫാമിലി റസിഡന്റ് വിസ അപേക്ഷകൾ തുടങ്ങിയതിനു പിന്നാലെയാണ് പുതിയ സേവനം ആരംഭിച്ചത്.
അപേക്ഷിക്കാൻ, മെട്രാഷ് 2 ലെ ‘വിസ’ പേജിലേക്കും, തുടർന്ന് ‘ഫാമിലി വിസിറ്റ്’ സെഷനിലേക്കും പോയി ‘ഫാമിലി വിസ ആപ്ലിക്കേഷൻ’ എന്ന ഒപ്ഷൻ തിരഞ്ഞെടുക്കുക. ശേഷം ‘ന്യൂ അപ്ലിക്കേഷൻ’ ക്ലിക്കുചെയ്‌ത് നിർദ്ദേശങ്ങൾ പാലിച്ച് അപേക്ഷ പൂരിപ്പിക്കാം.
റെഡ്-ലിസ്റ്റ് രാജ്യങ്ങളായ ബംഗ്ലാദേശ്, ഇന്ത്യ, പാകിസ്ഥാൻ, ശ്രീലങ്ക എന്നിവിടങ്ങളിൽ നിന്നുള്ള സന്ദർശകർക്കുള്ള പ്രവേശനം ഖത്തർ അംഗീകരിച്ച വാക്സിനേഷൻ സ്വീകരിച്ചവർക്കു മാത്രമായി പരിമിതപ്പെടുത്തിയിരിക്കുന്നു. അത്തരം സന്ദർശകർ ഇഹ്റാസ് വെബ്സൈറ്റിൽ മുൻകൂട്ടി രജിസ്റ്റർ ചെയ്യുകയും യാത്രയ്ക്ക് മുമ്പായി അനുമതി നേടുകയും വേണം.
— Qatar Tribune (@Qatar_Tribune) July 13, 2021
