കൊവിഡ് മഹാമാരിയെ തടുക്കാൻ ഖത്തർ ഫലപ്രദമായ സമീപനം സ്വീകരിച്ചുവെന്ന് അമീർ
ലോകത്തെ തന്നെ പിടിച്ചു കുലുക്കിയ കൊവിഡ് മഹാമാരിയെ തുടച്ചു നീക്കാൻ സന്തുലിതവും ഫലപ്രദവുമായ സമീപനം ഖത്തർ സ്വീകരിച്ചുവെന്ന് അമീർ. ഐക്യരാഷ്ട്ര സഭയുടെ 76ആമത് സെഷനിൽ സംസാരിക്കുകയായിരുന്നു അദ്ദേഹം.
പകർച്ചവ്യാധിയെയും ദേശീയ തലത്തിൽ അതിന്റെ ആരോഗ്യ, സാമ്പത്തിക പ്രത്യാഘാതങ്ങളെയും അഭിസംബോധന ചെയ്യുന്നതിന് സന്തുലിതവും ഫലപ്രദവുമായ സമീപനമാണ് ഖത്തർ സ്വീകരിച്ചത്. കോവിഡ് പാൻഡെമിക് നമ്മുടെ ആരോഗ്യ സുരക്ഷാ സംവിധാനത്തിലെ ബലഹീനതകൾ വെളിപ്പെടുത്തിയിട്ടുണ്ട് എങ്കിലും അതിനെ നേരിടാൻ ഫലപ്രദമായ സമീപനം ഖത്തർ സ്വീകരിച്ചിട്ടുണ്ടെന്ന് ഞാൻ ശ്രദ്ധിക്കുന്നു.
മഹാമാരിയോടു പൊരുതി നേടുന്ന വിജയം ഖത്തറിന്റെ നയങ്ങളെയും കഴിവുകളെയും ആശ്രയിച്ചിരിക്കുന്നു, പൊതുജനാരോഗ്യ മേഖലയിലെ പ്രവർത്തനങ്ങളും അതോടൊപ്പം പൗരന്മാരുടെ അവബോധ നിലയും ഇതിൽ പ്രധാനമാണ്.
പ്രതിരോധ കുത്തിവയ്പ്പുകളുടെ തുല്യമായ വിതരണവും ദക്ഷിണ മേഖലയിലെ രാജ്യങ്ങളിലേക്ക് അവയുടെ ആക്സസ് ഉറപ്പുവരുത്തുന്നതും, മറ്റൊരു പകർച്ചവ്യാധിയെ ചെറുക്കുന്നതിനുള്ള ശ്രമങ്ങളും ഏകോപിപ്പിച്ചു നടപ്പിലാക്കേണ്ടതിന്റെ ആവശ്യകതയും ഞങ്ങൾ ഊന്നിപ്പറയുന്നു.
ആഗോള പ്രതിസന്ധികളെ അഭിമുഖീകരിക്കാനുള്ള ഞങ്ങളുടെ പങ്കാളിത്തത്തെ അടിസ്ഥാനമാക്കി, ഖത്തർ പ്രസക്തമായ അന്താരാഷ്ട്ര സ്ഥാപനങ്ങൾക്ക് പിന്തുണ നൽകാനും പകർച്ചവ്യാധി ബാധിച്ച രാജ്യങ്ങൾക്കൊപ്പം നിൽക്കാനും മടിച്ചില്ല. ഞങ്ങൾ പകർച്ചവ്യാധിയെ നേരിടാൻ വൈദ്യസഹായങ്ങൾ നൽകുകയും മറ്റ് ആവശ്യങ്ങൾ നിറവേറ്റുകയും ചെയ്തുവെന്നും അമീർ പറഞ്ഞു.
— Qatar Tribune (@Qatar_Tribune) September 21, 2021
