ഹജ്ജ് നിർവഹിക്കാനുള്ള രജിസ്ട്രേഷൻ ബുധനാഴ്ച മുതൽ ആരംഭിക്കും

ഹിജ്റ 1443 വർഷത്തേക്കു ഹജ്ജ് നിർവഹിക്കാൻ ആഗ്രഹിക്കുന്ന പൗരന്മാർക്കുള്ള രജിസ്ട്രേഷൻ റമദാൻ 26, ഏപ്രിൽ 27, 2022 ബുധനാഴ്ച മുതൽ http://hajj.gov.qa എന്ന വെബ്സൈറ്റ് വഴി ആരംഭിക്കുമെന്ന് ഔഖാഫ്, ഇസ്ലാമിക കാര്യ മന്ത്രാലയത്തിലെ ഹജ്ജ്, ഉംറ കാര്യ വകുപ്പ് അറിയിച്ചു.

2022 മെയ് 12 ശവ്വാൽ 11 വ്യാഴാഴ്ച വരെ രജിസ്ട്രേഷൻ തുടരുമെന്ന് പ്രസ്താവനയിൽ പറയുന്നു. രജിസ്റ്റർ ചെയ്യുന്നവർ സൗദി ഹജ്ജ്, ഉംറ മന്ത്രാലയം അംഗീകരിച്ച ആവശ്യകതകൾ പാലിക്കണമെന്ന് മന്ത്രാലയം വ്യക്തമാക്കി.
– കുറഞ്ഞത് 18 വയസ്സ് പ്രായമുണ്ടായിരിക്കണം, 65 വയസ്സിൽ കൂടരുത്.
– കോവിഡ് വാക്‌സിന്റെ അടിസ്ഥാന ഡോസുകൾ ലഭിച്ചിരിക്കണം.

കൂടുതൽ വിവരങ്ങൾക്ക് 132 എന്ന നമ്പറിൽ വിളിക്കുക

Registration for citizens to perform #Hajj begins on Wednesdayhttps://t.co/G8katZcL3U

— The Peninsula Qatar (@PeninsulaQatar) April 24, 2022