റമദാൻ മാസത്തിൽ സൗജന്യ ഫിറ്റ്നസ് ക്യാമ്പെയ്നുമായി അൽ ഷഖാബ്
ഖത്തർ ഫൗണ്ടേഷനിലെ അംഗമായ അൽ ഷഖാബ്, വിശുദ്ധ റമദാൻ മാസത്തിൽ ആരോഗ്യത്തോടെയിരിക്കാൻ പ്രാദേശിക സമൂഹത്തിലെ അംഗങ്ങളെ പ്രോത്സാഹിപ്പിക്കുന്നതിനായി നൂതന രീതിയിലുള്ള ഫിറ്റ്നസ് കാമ്പെയ്ൻ ആരംഭിച്ചു.
ചില പ്രാദേശിക ഫിറ്റ്നസ് കമ്പനികളുമായി സഹകരിച്ച്, അൽ ഷഖാബിലെ ലോംഗൈൻസ് അരീനയിൽ അൽ ഷഖാബ് റമദാൻ വെൽനസ് മാസം സംഘടിപ്പിക്കുകയും ശാരീരിക ശക്തിയും മൊത്തത്തിലുള്ള നല്ല ആരോഗ്യവും നിലനിർത്തുന്നതിന്റെ പ്രാധാന്യം എടുത്തുകാണിക്കാൻ രൂപകൽപ്പന ചെയ്ത കോംപ്ലിമെന്ററി വ്യായാമ സെഷനുകൾ വാഗ്ദാനം ചെയ്യുകയും ചെയ്യുന്നു.
ഏപ്രിൽ 4 മുതൽ 27 വരെ നടക്കുന്ന സെഷനുകളിൽ വെയ്റ്റ് ട്രെയിനിംഗ്, സ്പിൻ ക്ലാസുകൾ, ഫങ്ഷണൽ ട്രെയിനിംഗ്, ഡിറ്റോക്സ് യോഗ എന്നിവ പങ്കാളികൾക്കൊപ്പം ചേർന്ന് അൽ ഷഖാബ് നടപ്പിലാക്കും. കോംപ്ലിമെന്ററി സെഷനുകൾ ബുക്ക് ചെയ്യുന്നതിന്, രജിസ്ട്രേഷനെക്കുറിച്ചുള്ള കൂടുതൽ വിവരങ്ങൾക്ക് കമ്മ്യൂണിറ്റിയിലെ അംഗങ്ങൾ അൽ ഷഖാബ് ഇൻസ്റ്റാഗ്രാം അക്കൗണ്ട് സന്ദർശിക്കണം.
സ്ത്രീകൾക്ക് മാത്രമുള്ള സെഷനുകളും ഇവർ വാഗ്ദാനം ചെയ്യുന്നുണ്ട്. മെച്ചപ്പെട്ട രൂപത്തിലേക്ക് വരാനും ആത്യന്തികമായി ആരോഗ്യകരമായ ജീവിതശൈലി നയിക്കാനും ഈ അവസരം പ്രയോജനപ്പെടുത്താൻ അൽ ഷഖാബ് സമൂഹത്തെ പ്രോത്സാഹിപ്പിക്കുന്നു.
In collaboration with some local fitness companies, Al Shaqab is organising the Ramadan Wellness Month at the spectacular Longines Arena at Al Shaqab#Qatar #Ramadan #AlShaqab #Fitness https://t.co/C0kxYOZykO
— The Peninsula Qatar (@PeninsulaQatar) March 30, 2022