താപനില കുറയ്ക്കാൻ മരങ്ങൾ തണൽ വിരിച്ച നാലു നടപ്പാതകൾ പൂർത്തിയാക്കി അഷ്ഗൽ
താപനില കുറയ്ക്കുന്നതിനുള്ള സൂപ്പർവൈസറി കമ്മിറ്റി ഓഫ് ബ്യൂട്ടിഫിക്കേഷന്റെ ശ്രമങ്ങളുടെ ഭാഗമായി ഖത്തറിലെ നാല് തെരുവുകൾ കാൽനട പാതകൾ, സൈക്കിൾ ട്രാക്ക്, മരങ്ങൾ എന്നിവ ഉപയോഗിച്ച് മനോഹരമാക്കി.
റോഡുകളും പൊതുസ്ഥലങ്ങളും മനോഹരമാക്കുന്നതിനുള്ള സൂപ്പർവൈസറി കമ്മിറ്റി ഖത്തറിലെ വിവിധ പ്രദേശങ്ങളിൽ താപനിലയും കാർബൺ പുറന്തള്ളലും കുറയ്ക്കുന്നതിനായി ഇരുവശത്തും മരങ്ങളുള്ള കാൽനട പാതകൾ നടപ്പിലാക്കിയതായി അഷ്ഗൽ അതിന്റെ സോഷ്യൽ മീഡിയ അക്കൗണ്ടിൽ അറിയിച്ചു.
അൽ ഖഫ്ജി, അൽ ഇന്നബി, ഒനൈസ, ഹസ്ം അൽ മർഖിയ എന്നീ തെരുവുകളിലൂടെയാണ് ഈ കാൽനട പാതകൾ നിർമ്മിച്ചിരിക്കുന്നത്. കാൽനടയാത്രക്കാരുടെ പാതകളുടെ കൃത്യമായ സ്ഥാനങ്ങളിലേക്കുള്ള ക്യുആർ കോഡുകളും നൽകിയിട്ടുണ്ട്.
പരിസ്ഥിതി മലിനീകരണം കുറയ്ക്കുക, കുറഞ്ഞ ഉപഭോഗത്തിലൂടെ CO2 പുറന്തള്ളൽ കുറയ്ക്കുക, ഊർജ്ജ സ്രോതസ്സുകളുടെ സംരക്ഷണം എന്നിവയിലൂടെ സുസ്ഥിരത വർദ്ധിപ്പിക്കുന്നതിന് സമിതിയുടെ പ്രവർത്തനം സഹായിക്കും.
The Supervisory Committee of Beautification of Roads and Public Places implemented pedestrian paths in various areas in Qatar with trees on both sides to reduce temperature and carbon emissions… #Qatar #Onaiza #HazmAlMarkhiya #AlKhafji https://t.co/9NDv4WfIxg
— The Peninsula Qatar (@PeninsulaQatar) May 30, 2022
