ഇന്ത്യയടക്കം ആറു രാജ്യങ്ങളിൽ നിന്നുള്ളവർ ഏപ്രിൽ 29 മുതൽ ഖത്തറിലെത്തുമ്പോൾ 10 ദിവസത്തേക്കു ഹോട്ടൽ ക്വാറന്റീൻ നിർബന്ധമാണെന്ന തീരുമാനം കഴിഞ്ഞ ദിവസമാണ് പ്രഖ്യാപിച്ചത്. 29നു ശേഷമുള്ള തീയതികളിൽ ഏഴു ദിവസത്തെ ഹോട്ടൽ ക്വാറൻറീൻ നേരത്തെ ബുക്കു ചെയ്ത് ഖത്തറിലേക്കു വരാൻ കാത്തിരുന്നവർക്ക് ആശങ്ക സൃഷ്ടിക്കുന്നതായിരുന്നു ഈ തീരുമാനം.
നേരത്തെ ഏഴു ദിവത്തെ ഹോട്ടൽ ക്വാറൻറീൻ ബുക്ക് ചെയ്തവരെ ഡിസ്കവർ ഖത്തർ ബന്ധപ്പെടുമെന്നാണ് ഖത്തർ എയർവേയ്സ് ട്വിറ്ററിലൂടെ ഇപ്പോൾ വ്യക്തമാക്കുന്നത്. പുതിയ മാറ്റങ്ങൾക്കനുസരിച്ച് ക്രമീകരണങ്ങൾ നടത്താൻ ഡിസ്കവർ ഖത്തർ ശ്രമിക്കുകയാണെന്നും കൂടുതൽ വിവരങ്ങൾ ഇന്നു വെബ്സൈറ്റിൽ നൽകുമെന്നും അവർ വ്യക്തമാക്കി.
Discover Qatar is aware of the changes to Qatar’s entry requirements announced today and is working with the authorities to implement them. DQ will contact affected customers who have an existing Welcome Home booking, further details will be posted to the DQ website tomorrow. pic.twitter.com/OnyDyZYCjq
— Qatar Airways (@qatarairways) April 26, 2021
