ഖത്തർ റെയിൽവേ കമ്പനി (ഖത്തർ റെയിൽ) ഫിഫ ലോകകപ്പ് ഖത്തർ 2022ന്റെ തയ്യാറെടുപ്പുകൾ ഊർജിതമാക്കി. ടൂർണമെന്റിനെത്തുന്ന ആരാധകർക്ക് തടസ്സമില്ലാത്ത യാത്രാ അനുഭവം ഉറപ്പാക്കുകയാണ് അവരുടെ ലക്ഷ്യം.
സ്റ്റേഡിയങ്ങളിലും മറ്റിടങ്ങളിലും ആരാധകരെ എത്തിക്കുന്നതിൽ ദോഹ മെട്രോ ഒരു പ്രധാന പങ്ക് വഹിക്കും. ഒരുക്കങ്ങളുടെ ഭാഗമായി, കഴിഞ്ഞ മാസം ഖത്തർ റെയിൽ അതിന്റെ വാർഷിക യോഗം “ട്രാൻസ്പോർട്ട് മാനേജ്മെന്റ് ഫോർ മെഗാ ഇവന്റുകൾ” എന്ന പ്രമേയത്തിൽ സംഘടിപ്പിച്ചു.
ലോകമെമ്പാടും ആതിഥേയത്വം വഹിച്ച മുൻ മെഗാ ഇവന്റുകൾ അഭിമുഖീകരിച്ച വെല്ലുവിളികളിൽ നിന്ന് പഠിക്കുന്നതിനും മികച്ച സമ്പ്രദായങ്ങൾ മനസ്സിലാക്കുന്നതിനും വിഷയ വൈദഗ്ധ്യം കൊണ്ടുവരുന്നതിനു പുറമെ, ഉൾപ്പെട്ടിരിക്കുന്ന എല്ലാ കക്ഷികളും തമ്മിലുള്ള സഹകരണം ശക്തമാക്കുന്നതിനും, പ്രധാന വെല്ലുവിളികൾ പരിഗണിച്ചു കൊണ്ടുള്ള ഖത്തർ റെയിലിന്റെ സന്നദ്ധതയും തയ്യാറെടുപ്പുകളും ഇതിൽ ചർച്ച ചെയ്തു.
പ്രധാന കായിക മത്സരങ്ങളിൽ ആരാധകരെ എത്തിക്കുന്നതിനുള്ള എല്ലാ ആവശ്യങ്ങളും നിറവേറ്റുന്നതിനായി ദോഹ മെട്രോ ശൃംഖല രൂപകൽപ്പന ചെയ്തിട്ടുണ്ട്. ഫിഫ ലോകകപ്പ് ഖത്തർ 2022 സ്റ്റേഡിയങ്ങളിലേക്കു നേരിട്ടും അല്ലാതെയും ബന്ധമുള്ളതിനാൽ ഫുട്ബോൾ ആരാധകർക്ക് ദോഹ മെട്രോയിൽ തടസ്സമില്ലാത്ത യാത്രാ അനുഭവം ലഭിക്കും. കൂടാതെ ഖത്തറിനുള്ളിലെ മറ്റ് പ്രധാന ലക്ഷ്യസ്ഥാനങ്ങളിലേക്ക് അതിന്റെ 37 സ്റ്റേഷനുകളിലൂടെ എത്തിച്ചേരാനും കഴിയും.
The Doha Metro will play an instrumental role in transporting of fans through stadiums and fans activities zones.#Qatar #DohaMetro #WorldCup2022 #100DaysToGohttps://t.co/MEOi8Y9Sv8
— The Peninsula Qatar (@PeninsulaQatar) August 13, 2022