ഹമദ് മെഡിക്കൽ കോർപ്പറേഷനിലെ (എച്ച്എംസി) വൃക്ക മാറ്റിവയ്ക്കൽ സംഘം അടുത്തിടെ ഒരു ഖത്തറി യുവാവ് തന്റെ വൃക്ക പിതാവിന് ദാനം ചെയ്തിട്ടുള്ള വൃക്ക മാറ്റിവയ്ക്കൽ ശസ്ത്രക്രിയ വിജയകരമായി നടത്തി.
രോഗിക്ക് ടിഷ്യു അനുയോജ്യതയും വൃക്ക അനുയോജ്യതയും ഉറപ്പാക്കാൻ വിപുലമായ പരിശോധനകൾക്ക് വിധേയമായ ശേഷം, ദാനം ചെയ്ത വൃക്ക വിജയകരമായി പിതാവിന് മാറ്റിവച്ചു.
വർഷങ്ങൾക്ക് മുമ്പ് ഖത്തറിന് പുറത്ത് കിഡ്നി തകരാറിലാവുകയും വൃക്ക മാറ്റിവെക്കൽ ശസ്ത്രക്രിയ വിജയിക്കാതിരിക്കുകയും ചെയ്ത പിതാവിന് തന്റെ വൃക്ക നൽകാൻ ദാതാവായ അബ്ദുല്ല അൽ അലിയെന്ന യുവാവാണു തീരുമാനിച്ചത്.
അവയവമാറ്റ ശസ്ത്രക്രിയകളിലെ വിജയങ്ങളും ഈ മേഖലയിലെ അന്താരാഷ്ട്ര പ്രശസ്തിയും കണക്കിലെടുത്താണ് എച്ച്എംസിയിൽ എന്റെ പിതാവിന് വൃക്ക മാറ്റിവയ്ക്കൽ ശസ്ത്രക്രിയ നടത്താൻ ഞങ്ങൾ തീരുമാനിച്ചതെന്ന് അബ്ദുല്ല അൽ-അലി പറഞ്ഞു.
വിദേശത്ത് ചികിത്സയ്ക്ക് അനുമതി ലഭിച്ചെങ്കിലും, എച്ച്എംസി നേടിയ ശ്രദ്ധേയമായ വിജയങ്ങളാണ് ഹമദ് ജനറൽ ആശുപത്രിയിൽ വൃക്ക മാറ്റിവയ്ക്കാൻ ഞങ്ങളെ പ്രേരിപ്പിച്ചത്. ഒക്‌ടോബർ 15ന് എച്ച്എംസിയിൽ വൃക്ക മാറ്റിവെക്കൽ വിജയകരമായി നടത്തുന്നതുവരെ രണ്ട് വർഷത്തിലേറെ കിഡ്നി ഡയാലിസിസിന് അദ്ദേഹം വിധേയനായിരുന്നു.
“എച്ച്എംസിക്കും വൃക്ക ഡയാലിസിസ്, ലബോറട്ടറി, ശസ്ത്രക്രിയ, തീവ്രപരിചരണ വിഭാഗങ്ങളിലെ സമർപ്പിത മെഡിക്കൽ, സർജിക്കൽ, നഴ്സിംഗ് ടീമുകൾക്കും ഞാൻ ഹൃദയംഗമമായ നന്ദി അറിയിക്കുന്നു. ഞങ്ങൾ സുഖം പ്രാപിക്കുന്നതുവരെ എന്റെ പിതാവിന്റെയും എന്റെ ആരോഗ്യത്തിന്റെയും മേൽനോട്ടം വഹിച്ച എല്ലാ വകുപ്പുകളോടും ഞാൻ നന്ദിയുള്ളവനാണ് .” അൽ അലി കൂട്ടിച്ചേർത്തു.
HMC successfully performs kidney transplant from Qatari young man to his father#Qatar #Healthcare #KidneyTransplant https://t.co/xZo2UjEtBF
— The Peninsula Qatar (@PeninsulaQatar) November 6, 2023
