അൽ ദായീൻ പാർക്ക് പ്രൊജക്ടിന്റെ പ്രധാന പണികൾ പൂർത്തിയായി

ഖത്തറിലെ റോഡുകളും പൊതുസ്ഥലങ്ങളും മനോഹരമാക്കുന്നതിനുള്ള സൂപ്പർവൈസറി കമ്മിറ്റി 2021 നവംബർ 4നു നടന്ന സിമൈസ്മ, അൽ ദായീൻ സ്കൂളുകളിലെ വിദ്യാർത്ഥികൾ ‘പ്ലാന്റ് മില്യൺ ട്രീ’ ക്യാമ്പെയിനിന്റെ ഭാഗമാകുന്ന ചടങ്ങിൽ അൽ ദായെൻ പാർക്ക് പദ്ധതിയുടെ പ്രധാന ജോലികൾ പൂർത്തീകരിച്ചതായി പ്രഖ്യാപിച്ചു.

അൽ ദായെൻ പാർക്കിൽ 25,000 ചതുരശ്ര മീറ്റർ വിസ്തീർണ്ണമുള്ള തുറന്ന ഹരിത ഇടങ്ങളും ബെഞ്ചുകളും മറ്റു സൗകര്യങ്ങളും 450 മരങ്ങളും ഉൾപ്പെടുന്നു, ഇത് അൽ ദായേനിലെയും സിമൈസ്മയിലെയും കുടുംബങ്ങൾക്ക് ഇഷ്ടപ്പെട്ട സന്ദർശന സ്ഥലമാക്കി മാറ്റുന്നു.

കുട്ടികൾക്കായി പ്രത്യേകം കളിക്കാനുള്ള സ്ഥലങ്ങൾ, സ്‌പോർട്‌സ് വേദി, കാൽനടയാത്രികർ, ജോഗർമാർ, സൈക്ലിസ്റ്റുകൾ എന്നിവർക്കായി പ്രത്യേക പാതകളും ഇതിൽ ഉൾപ്പെടുന്നു. പ്രത്യേക ആവശ്യങ്ങളുള്ള ആളുകൾക്ക് ഉപയോക്തൃ സൗഹൃദമായി പാർക്ക് രൂപകൽപ്പന ചെയ്തിരിക്കുന്നു. സ്ത്രീകളുടെ പ്രാർത്ഥനാ സ്ഥലവും ടോയ്‌ലറ്റും ഉൾപ്പെടെയുള്ള സേവനങ്ങളും പദ്ധതിയിൽ ഉൾപ്പെടുത്തിയിട്ടുണ്ട്.

മങ്ങിയ വെളിച്ചമുള്ള ലൈറ്റിംഗ് തൂണുകളും മനോഹരമായ ലൈറ്റുകളും സന്ദർശകർക്ക് സ്വകാര്യത ഉറപ്പാക്കുന്നു. പാർക്ക് സന്ദർശകർക്ക് അൽ ദായെൻ മുനിസിപ്പാലിറ്റിയുടെ 50 പാർക്കിംഗ് ലോട്ടുകളും ഉപയോഗിക്കാം, കൂടാതെ കൂടുതൽ പാർക്കിംഗ് സ്ഥലങ്ങൾ പൈപ്പ് ലൈനിലുമുണ്ട്.

Main Works of Al Daayen Park project completed https://t.co/a33NtzV3HQ

— The Peninsula Qatar (@PeninsulaQatar) November 4, 2021