ലുസൈലിൽ പ്ലേസ് വെൻഡോം മാളിനടുത്തു സ്ഥിതി ചെയ്യുന്ന അൽ മഹാ ഐലൻഡ് നവംബർ ആദ്യം തുറക്കുമെന്ന് എസ്റ്റിത്മാർ ഹോൾഡിംഗിലെ ഗ്രൂപ്പ് ചീഫ് മാർക്കറ്റിംഗ് ആൻഡ് കമ്മ്യൂണിക്കേഷൻസ് ഓഫീസർ മർവാൻ ദിമാസ് വെള്ളിയാഴ്ച അൽ കാസ് ടിവിക്ക് നൽകിയ അഭിമുഖത്തിൽ പറഞ്ഞു.
ലുസൈൽ വിന്റർ വണ്ടർലാൻഡ്, നമ്മോസ് ബീച്ച് ക്ലബ്, അൽ മഹാ അരീന എന്നിവ ഉൾക്കൊള്ളുന്ന 230,000 ചതുരശ്ര മീറ്റർ വിനോദകേന്ദ്രം 2022 ഫിഫ ലോകകപ്പ് ഖത്തറിന് ഏകദേശം രണ്ടാഴ്ച മുമ്പ് സന്ദർശകരെ സ്വീകരിച്ച് തുടങ്ങുമെന്ന് അൽ മജ്ലിസ് സെഗ്മെന്റിൽ ദിമാസ് പറഞ്ഞു.
“ഖത്തർ 2022 ലോകകപ്പ് സന്ദർശകരുടെ ആത്യന്തിക വിനോദ കേന്ദ്രങ്ങളിൽ ഒന്നായിരിക്കും അൽ മഹ, എല്ലാ വർഷവും നവംബർ മുതൽ ഏപ്രിൽ വരെ മികച്ച വിനോദത്തിനു വേണ്ടി വിന്റർ ഗെറ്റ്എവേ തുറന്നിരിക്കും.” ദിമാസ് പറഞ്ഞു.
30 കലാകാരന്മാരും തത്സമയ സംഗീതജ്ഞരും അന്താരാഷ്ട്ര അഭിനേതാക്കളുമുള്ള ഗാൻഡീസ് സർക്കസ് എന്ന യൂറോപ്പിലെ ഏറ്റവും വലിയ ടൂറിംഗ് ഷോക്കും അൽ മഹാ ഐലൻഡ് ആതിഥേയത്വം വഹിക്കുമെന്ന് ദിമാസ് കൂട്ടിച്ചേർത്തു.
ഒരു കോസ്വേ വഴി മെയിൻ ലാന്റുമായി ബന്ധിപ്പിച്ചിരിക്കുന്ന അൽ മഹാ ഐലൻഡ് പ്രതിവർഷം 1.5 ദശലക്ഷത്തിലധികം സന്ദർശകരെ ആകർഷിക്കുമെന്ന് പ്രതീക്ഷിക്കുന്നു.
Al Maha Island, housing Winter Wonderland, to open in November#Qatar https://t.co/ACwVQJtBoB
— The Peninsula Qatar (@PeninsulaQatar) August 27, 2022