പാക്കിസ്ഥാനിലെ അനാഥബാല്യങ്ങൾക്ക് സ്കൂൾ സാമഗ്രികൾ വിതരണം ചെയ്ത് ഖത്തർ ചാരിറ്റി
ഖത്തർ ചാരിറ്റി (ക്യുസി) പാക്കിസ്ഥാനിലെ ഖൈബർ പഖ്തൂൺഖ്വ പ്രവിശ്യയിലെ നൂറുകണക്കിന് അനാഥർക്ക് സ്കൂൾ സാമഗ്രികൾ വിതരണം ചെയ്തു. മൻസെഹ്റ ജില്ലയിൽ 365ഓളം അനാഥർക്ക് സ്കൂൾ ബാഗുകൾ, സ്റ്റേഷനറി സാധനങ്ങൾ, ഷൂസ്, സ്കൂൾ യൂണിഫോം എന്നിവയാണു ലഭിച്ചത്.
അനാഥരുടെ വിദ്യാഭ്യാസ ആവശ്യങ്ങൾ നിറവേറ്റുന്നതിനും അവരുടെ കുടുംബങ്ങളുടെ സാമ്പത്തിക ഭാരം കുറയ്ക്കുന്നതിനും ലക്ഷ്യമിട്ടാണ് ഖത്തർ ചാരിറ്റി സ്കൂൾ സാമഗ്രികൾ വിതരണം ചെയ്തത്. ഖൈബർ പഖ്തൂൺഖ്വ പ്രവിശ്യാ മുഖ്യമന്ത്രി സയ്യിദ് അഹമ്മദ് ഹുസൈൻ ഷായുടെ ഉപദേഷ്ടാവ് ഖത്തറിലെ അഭ്യുദയകാംക്ഷികളുടെ പിന്തുണയെ വളരെയധികം അഭിനന്ദിച്ചു.
മൻസെഹ്റ ജില്ലയിലെ അനാഥരടക്കം ഖത്തർ ചാരിറ്റി പതിറ്റാണ്ടുകളായി പാകിസ്ഥാനിൽ അനാഥരെ സ്പോൺസർ ചെയ്യുന്നുണ്ടെന്ന് അദ്ദേഹം പ്രസ്താവിച്ചു. ഏതൊരു രാജ്യത്തിന്റെയും വികസനത്തിന് വിദ്യാഭ്യാസം ഏറ്റവും പ്രധാനപ്പെട്ട ഘടകമായതിനാൽ, ഖത്തർ ചാരിറ്റി പോലുള്ള എൻജിഒകളിൽ നിന്ന് പാകിസ്ഥാന്റെ വിദ്യാഭ്യാസ മേഖലയ്ക്ക് കൂടുതൽ ശ്രദ്ധ ആവശ്യമാണെന്നും അദ്ദേഹം കൂട്ടിച്ചേർത്തു.
As many as 365 orphans sponsored by #QatarCharity in #KhyberPakhtunkhwa|s #Mansehra district received the school supplies that include school bags, stationery items, shoes and school uniforms.#Qatar #Pakistan https://t.co/TbCfemwmpR
— The Peninsula Qatar (@PeninsulaQatar) February 6, 2022