കായിക ഉപകരണങ്ങളിൽ ഒളിപ്പിച്ച് ഖത്തറിലേക്ക് മെതാംഫെറ്റാമൈൻ കടത്താനുള്ള ശ്രമം കസ്റ്റംസ് തടഞ്ഞു
മെതാംഫെറ്റാമൈൻ ഖത്തറിലേക്ക് കടത്താനുള്ള ശ്രമം എയർ കാർഗോ ആൻഡ് പ്രൈവറ്റ് എയർപോർട്ട് കസ്റ്റംസിന്റെ തപാൽ കൺസൈൻമെന്റ് വിഭാഗം പരാജയപ്പെടുത്തി. പിടികൂടിയ വസ്തുവിന്റെ ഭാരം 1.65 കിലോഗ്രാമായിരുന്നു.
സ്‌പോർട്‌സ് ഉപകരണങ്ങൾ അടങ്ങിയ പാഴ്‌സലിനുള്ളിൽ ഒളിപ്പിച്ച കള്ളക്കടത്തിന്റെ ചിത്രങ്ങളും കസ്റ്റംസ് പങ്കുവെച്ചു. കഴിഞ്ഞ ഒക്‌ടോബർ 17 തിങ്കളാഴ്ച ഹമദ് രാജ്യാന്തര വിമാനത്താവളത്തിൽ നിന്ന് മൂന്ന് കിലോഗ്രാം മെത്താംഫെറ്റാമൈൻ പിടികൂടിയിരുന്നു. നാട്ടിൽ എത്തുന്ന യാത്രക്കാരന്റെ ബാഗിന്റെ അടിയിലാണ് ഇത് കണ്ടെത്തിയത്.
കസ്റ്റംസ് ഉദ്യോഗസ്ഥർക്ക് ഏറ്റവും പുതിയ ഉപകരണങ്ങളും യാത്രക്കാരുടെ ശരീരഭാഷ വായിക്കാനും കള്ളക്കടത്തുകാരുടെ ഏറ്റവും പുതിയ രീതികളെക്കുറിച്ച് ബോധവാന്മാരാകാനുമുള്ള തുടർച്ചയായ പരിശീലനവും ഉൾപ്പെടെ എല്ലാ പിന്തുണയും നൽകുന്നുണ്ടെന്ന് കസ്റ്റംസ് അറിയിച്ചു.
Qatar Customs thwart attempt to smuggle methamphetamine#Qatar #Doha https://t.co/ea3lnw6Puj
— The Peninsula Qatar (@PeninsulaQatar) October 24, 2022
