പ്രശസ്ത ഇന്ത്യൻ ജേർണലിസ്റ്റ് ഡാനിഷ് സിദ്ദിഖി കൊല്ലപ്പെട്ടു
പുലിറ്റ്സര് സമ്മാനം നേടിയിട്ടുള്ള പ്രശസ്ത ഇന്ത്യന് ഫോട്ടോ ജേണലിസ്റ്റ് ഡാനിഷ് സിദ്ദീഖി അഫ്ഗാനിസ്ഥാനിൽ വച്ചു കൊല്ലപ്പെട്ടു. അഫ്ഗാനിസ്താനിലെ സ്പിന് ബോല്ഡാകില് നടന്ന ഏറ്റുമുട്ടലിലാണ് ഡാനിഷ് സിദ്ദീഖി മരിച്ചതെന്ന് അഫ്ഗാന് വാര്ത്താ ചാനലായ ടോളോ ന്യൂസാണു റിപ്പോര്ട്ട് ചെയ്തത്.
റോയിട്ടേഴ്സ് ഫോട്ടോഗ്രാഫര് കൂടിയായ ഡാനിഷ് സിദ്ദീഖി അഫ്ഗാനിസ്താനില് യുഎസ് സൈന്യം പിന്മാറിയ ശേഷമുള്ള സ്ഥിതിഗതികള് റിപ്പോര്ട്ട് ചെയ്യാനെത്തിയതിനു പിന്നാലെയാണ് കൊല്ലപ്പെട്ടത്.
ഡൽഹി ജാമിഅ മിലിയ സർവകലാശാലയിൽ നിന്നും സാമ്പത്തിക ശാസ്ത്രത്തിൽ ബിരുദവും പിന്നീട് ജേർണലിസവും പൂർത്തിയാക്കിയ സിദ്ദിഖി ടെലിവിഷൻ ന്യൂസ് കറസ്പോണ്ടന്റ് ആയാണ് കരിയർ ആരംഭിച്ചത്. 2010ൽ റോയിട്ടേഴ്സിലെ ചീഫ് ഫോട്ടോഗ്രാഫറുടെ ഇന്റേൺ ആയി ഫോട്ടോഗ്രാഫി മേഖലയിലേക്ക് കടന്നു.
2016-17 മൊസൂൾ യുദ്ധം, 2015ലെ നേപ്പാൾ ഭൂകമ്പം, രോഹിൻഗ്യ പ്രതിസന്ധി, ഹോങ്കോങ് പ്രതിഷേധം, ഡൽഹി കലാപം, കോവിഡ് മഹാമാരി എന്നിവ പുറംലോകത്തേക്ക് എത്തിക്കാൻ സിദ്ദീഖി പങ്കു വഹിച്ചിരുന്നു.
രോഹിൻഗ്യൻ അഭയാർത്ഥികളുടെ ജീവിതം പകർത്തിയതിനായിരുന്നു 2018ലാണ് അദ്നാൻ ആബിദിക്കൊപ്പം പുലിസ്റ്റർ പുരസ്കാരത്തിന് സിദ്ദിഖി അർഹനായത്. റോയിട്ടേഴ്സ് ഇന്ത്യയുടെ മേധാവിയായ സിദ്ദിഖി ഡൽഹി കലാപത്തിനിടെ പകർത്തിയ ഒരു ചിത്രം 2020ലെ ഏറ്റവും മികച്ച ചിത്രമായി റോയിട്ടേഴ്സ് തെരഞ്ഞെടുത്തിട്ടുണ്ട്.