ഫിഫ ലോകകപ്പ് ആരാധകർക്കായി 3000 പരിസ്ഥിതി സൗഹൃദ ബസുകൾ ഖത്തർ നിരത്തിലിറക്കും
2022 ഫിഫ ലോകകപ്പിനുള്ള ആരാധകർക്ക് സൗകര്യമൊരുക്കുന്നതിനായി 25 ശതമാനം ഇലക്ട്രിക് ബസുകൾ ഉൾപ്പെടെ പരിസ്ഥിതി സംരക്ഷണത്തിന്റെ ആഗോള സവിശേഷതകൾ പാലിക്കുന്ന 3,000 ബസുകൾ വിന്യസിക്കും. ഇതുവഴി ആദ്യത്തെ കാർബൺ ന്യൂട്രൽ ലോകകപ്പ് നൽകാനുള്ള ഖത്തറിന്റെ പ്രതിജ്ഞാബദ്ധത നിറവേറ്റപ്പെടുന്നു.
2022ലെ ഫിഫ ലോകകപ്പിന് ഉപയോഗിക്കുന്ന 3,000 ബസുകളിൽ മൂന്നിലൊന്ന് ബസുകളും പരീക്ഷണം നടത്തിയെന്ന് സുപ്രീം കമ്മിറ്റി ഫോർ ഡെലിവറി ആൻഡ് ലെഗസി (എസ്‌സി) മൊബിലിറ്റി ഡയറക്ടർ താനി അൽ സരാ പറഞ്ഞു. ടാർഗെറ്റുചെയ്‌ത മൊത്തം ബസുകളുടെ 25 ശതമാനവും ഇലക്ട്രിക്ക് സർവീസ് നടത്തുന്നതായിരിക്കുമെന്നും ബാക്കിയുള്ളവ പരിസ്ഥിതിയെ ബാധിക്കാത്ത തരത്തിൽ ആഗോള മാനദണ്ഡങ്ങൾ പാലിക്കുമെന്നും അദ്ദേഹം പറഞ്ഞു.
മാധ്യമ പ്രവർത്തകർ, തൊഴിലാളികൾ, ആരാധകർ തുടങ്ങി എല്ലാ വിഭാഗങ്ങൾക്കും ഈ ബസുകൾ സേവനം നൽകും. സെൻട്രൽ ദോഹ പോലുള്ള സുപ്രധാന പ്രദേശങ്ങളിലും സ്റ്റേഡിയങ്ങൾക്ക് ചുറ്റുമുള്ള പ്രദേശങ്ങളിലും മാച്ച് ടിക്കറ്റ് കൈവശം വച്ചിരിക്കുന്ന ആരാധകർക്ക് സൗജന്യ ഗതാഗതം നൽകുമെന്നും അൽ സറ പറഞ്ഞു.
മെഗാ സ്‌പോർടിംഗ് ഇവന്റിനിടെ ഉപയോഗിക്കേണ്ട ഇലക്ട്രിക് ബസുകളുടെ ലോഞ്ചിനെക്കുറിച്ച് സംസാരിക്കവെ, അൽ തുമാമ സ്റ്റേഡിയം ഉദ്ഘാടന വേളയിലും 2021 ലെ അമീർ കപ്പിന്റെ ഫൈനൽ മത്സരം തുടങ്ങി നിരവധി അവസരങ്ങളിൽ ഇലക്ട്രിക് ബസുകൾ പരീക്ഷിച്ചിട്ടുണ്ടെന്ന് അദ്ദേഹം പറഞ്ഞു.
“ഈ ബസുകൾ നിർമ്മിച്ച് ഖത്തറിലേക്ക് അയക്കുന്നതിനാൽ ബാച്ചുകളായാണ് വിതരണം ചെയ്യുന്നത്. എല്ലാ ബസുകളും 2022ന്റെ ആദ്യ പാദത്തിന്റെ (Q1) അവസാനത്തോടെ ഡെലിവർ ചെയ്യപ്പെടുമെന്ന് പ്രതീക്ഷിക്കുന്നുവെന്നും അദ്ദേഹം വ്യക്തമാക്കി.
…25 percent of total targeted buses will be electric operating with clean energy and the remaining ones will comply with the global specifications in terms of not affecting the environment.#Qatar #WorldCup #EcoFriendly #Qatar2022 https://t.co/HrbExb61Ji
— The Peninsula Qatar (@PeninsulaQatar) January 23, 2022
