അൽ-വക്ര ഏരിയയിലെ മംഗൾ ടർക്കിഷ് റെസ്റ്റോറന്റ് അടച്ചുപൂട്ടി അൽ-വക്ര മുനിസിപ്പാലിറ്റി
ഉപഭോഗത്തിന് അനുയോജ്യമല്ലാത്ത ഭക്ഷണം വിറ്റതിന് അൽ-വക്ര ഏരിയയിലെ മംഗൾ ടർക്കിഷ് റെസ്റ്റോറന്റ് 7 ദിവസത്തേക്ക് അടച്ചുപൂട്ടാൻ അൽ-വക്ര മുനിസിപ്പാലിറ്റി ഉത്തരവിട്ടു. മനുഷ്യ ഭക്ഷണ നിയന്ത്രണം സംബന്ധിച്ച 1990 ലെ 8ആം നമ്പർ നിയമം ലംഘിച്ചതിനാണ് റെസ്റ്റോറൻറ് അടച്ചുപൂട്ടാൻ മന്ത്രാലയം തീരുമാനമെടുത്തത്.
മന്ത്രാലയം പതിവായി പരിശോധനകൾ നടത്തുകയും നിയമലംഘകർക്കെതിരെ നടപടി സ്വീകരിക്കുകയും ചെയ്യുന്നു. നിയമലംഘകരുടെ പട്ടികയും ശിക്ഷയുടെ കാലാവധിയും അവരുടെ വെബ്സൈറ്റിൽ രേഖപ്പെടുത്തിയിട്ടുണ്ട്.
അടച്ചുപൂട്ടൽ നോട്ടീസ് പുറപ്പെടുവിക്കുമ്പോൾ, അടച്ച കട തുറക്കാനോ എന്തെങ്കിലും പ്രവർത്തനമോ അറ്റകുറ്റപ്പണികളോ നടത്താനോ അനുവദനീയമല്ല, ലംഘനം ക്രിമിനൽ ബാധ്യതയ്ക്ക് കാരണമാകുമെന്ന് മന്ത്രാലയം മുന്നറിയിപ്പ് നൽകി. ഭക്ഷ്യ നിയമലംഘനങ്ങൾ 184 എന്ന ഏകീകൃത കോൾ സെന്റർ നമ്പറിൽ വിളിച്ച് അറിയിക്കാം.
Al-Wakra Municipality ordered the closure of Mangal Turkish Restaurant in the Al-Wakra area, for 7 days for selling food that is not fit for consumption#Qatar https://t.co/rTy9Eu5slD
— The Peninsula Qatar (@PeninsulaQatar) August 31, 2022