ഹമദ് മെഡിക്കൽ കോർപ്പറേഷനും ഖത്തർ ഫാർമ ഫോർ ഫാർമസ്യൂട്ടിക്കൽ ഇൻഡസ്ട്രീസും മരുന്നുകളുടെയും മെഡിക്കൽ സപ്ലൈകളുടെയും വിതരണത്തിനായി മൂന്ന് വർഷത്തെ കരാർ ഒപ്പിട്ടു.
ദേശീയ വ്യവസായങ്ങളെ പിന്തുണയ്ക്കുന്നതിനും ഖത്തറിന്റെ സ്വയംപര്യാപ്തത ഉറപ്പുവരുത്താൻ പ്രാദേശിക ഉൽപന്നങ്ങളെ കഴിവുറ്റതാക്കുന്നതിനും വാണിജ്യ വ്യവസായ മന്ത്രാലയത്തിന്റെയും ഹമദ് മെഡിക്കൽ കോർപ്പറേഷന്റെയും സംയുക്ത ശ്രമങ്ങളുടെ ചട്ടക്കൂടിനുള്ളിലാണ് ഈ കരാർ വരുന്നത്.
ഈ സഹകരണത്തോടെ വിവിധ മേഖലകളിൽ, പ്രത്യേകിച്ചും ദേശീയ, അന്തർദേശീയ തലങ്ങളിലെ സുപ്രധാനമായ ഫാർമസ്യൂട്ടിക്കൽ വ്യവസായ മേഖലയിൽ സ്വയംപര്യാപ്തത കൈവരിക്കുന്നതിൽ ദേശീയ കമ്പനികളുടെ പങ്കിനെ പിന്തുണയ്ക്കുന്നതിനു മന്ത്രാലയം ലക്ഷ്യമിടുന്നതാണെന്ന് കരാർ ഒപ്പിടുന്നതിനെക്കുറിച്ച് അഭിപ്രായപ്പെട്ട വ്യവസായ കാര്യങ്ങളുടെ അസിസ്റ്റന്റ് അണ്ടർ സെക്രട്ടറി എച്ച്ഇ മുഹമ്മദ് ഹസ്സൻ അൽ-മൽക്കി വ്യക്തമാക്കി.
ഈ സംരംഭം സ്വകാര്യ മേഖലയുമായുള്ള പങ്കാളിത്തം വളർത്തുന്നതിനോടൊപ്പം ഖത്തർ ദേശീയ വിഷൻ 2030, ഖത്തർ നാഷണൽ മാനുഫാക്ചറിംഗ് സ്ട്രാറ്റജി 2018-2022 എന്നിവയുടെ ലക്ഷ്യങ്ങൾ കൈവരിക്കുന്നതിനും ഖത്തർ പിന്തുടരുന്ന സാമ്പത്തിക വൈവിധ്യവൽക്കരണ പദ്ധതികൾക്ക് അനുസൃതമായി എണ്ണ ഇതര മേഖലകളുടെ സാമ്പത്തിക വളർച്ചയെ പിന്തുണയ്ക്കുന്നുവെന്നും അദ്ദേഹം കൂട്ടിച്ചേർത്തു.
കരാറിൽ കണ്ടിന്യുയിങ്ങ് കെയർ ഗ്രൂപ്പ് മേധാവിയും ഹമദ് മെഡിക്കൽ കോർപ്പറേഷന്റെ ടെൻഡർ കമ്മിറ്റി ചെയർമാനുമായ മഹ്മൂദ് സാലിഹ് അൽ റൈസി, ഖത്തർ ഫാർമ ഫാർമസ്യൂട്ടിക്കൽ ഇൻഡസ്ട്രീസ് ചെയർമാൻ ഡോ. അഹമ്മദ് മുഹമ്മദ് അൽ സുലൈത്തി എന്നിവർ ഒപ്പുവച്ചു.
The agreement comes as a continuation of the Ministry’s efforts to support national industries through coordination and linking manufacturers and suppliers with government agencies in #Qatar to ease process of purchasing local products #Pharmaceuticalhttps://t.co/HWrEdBJvd3
— The Peninsula Qatar (@PeninsulaQatar) August 19, 2021
