ഖത്തറിൽ രണ്ടു ലക്ഷത്തോളം സ്മാർട്ട് മീറ്ററുകൾ സ്ഥാപിച്ച് കഹ്റാമ
ഖത്തറിൽ സ്മാർട്ട് മീറ്ററുകൾ പൂർണമായും സ്ഥാപിക്കുന്നതിനുള്ള അത്യാധുനികവും സൗകര്യപ്രദവുമായ പ്ലാറ്റ്ഫോം പ്രദാനം ചെയ്യുന്ന ഖത്തർ ജനറൽ ഇലക്ട്രിസിറ്റി ആൻഡ് വാട്ടർ കോർപ്പറേഷൻ (കഹ്റാമ) അതിന്റെ സ്മാർട്ട് മീറ്ററിംഗ് ഇൻഫ്രാസ്ട്രക്ചർ പ്രോജക്ട് നടപ്പിലാക്കി വരുന്നു.
2021ന്റെ നാലാം പാദത്തിൽ (Q4) രാജ്യത്തുടനീളം സാധാരണ മീറ്ററുകൾക്ക് പകരം 200,000 സ്മാർട്ട് ഇലക്ട്രിസിറ്റി മീറ്ററുകളുണ്ടെന്ന് കഹ്റാമ അടുത്തിടെ ഒരു റിപ്പോർട്ടിൽ പറഞ്ഞു. ഡിജിറ്റൽ പരിവർത്തനത്തിനു വേണ്ടിയുള്ള കഹ്‌റാമയുടെ ഏറ്റവും പ്രധാനപ്പെട്ട പദ്ധതികളിലൊന്നായ സ്മാർട്ട് മീറ്റർ വഴി ഊർജ്ജ ഉപഭോഗം കൂടുതൽ കൃത്യമായി റീഡ് ചെയ്യാനും ആവശ്യമായ വിവരങ്ങൾ സുരക്ഷിതമായും വേഗത്തിലും കൈമാറുന്നതിനുമായി 600,000 നൂതന ഡിജിറ്റൽ മീറ്ററുകൾ സ്ഥാപിക്കാനാണ് ലക്ഷ്യമിടുന്നത്.
എല്ലാ ചെലവുകളും കഹ്റാമ ഏറ്റെടുക്കുന്നതിനാൽ സാധാരണ മീറ്ററുകൾ മാറ്റിസ്ഥാപിക്കുന്നതിനും സ്മാർട്ട് മീറ്ററുകൾ സ്ഥാപിക്കുന്നതിനുമുള്ള ഒരു ചെലവും ഉപഭോക്താക്കൾ വഹിക്കുന്നില്ല. സ്മാർട്ട് മീറ്ററിംഗ് ഇൻഫ്രാസ്ട്രക്ചർ പദ്ധതി ഖത്തറിന്റെ സ്മാർട്ട് സിറ്റിയിലേക്കുള്ള മാറ്റത്തിൽ തന്ത്രപരമായ പങ്ക് വഹിക്കുകയും ദേശീയ സമ്പദ്‌വ്യവസ്ഥയെ സുസ്ഥിരമാക്കുന്ന അടിസ്ഥാന സൗകര്യങ്ങൾ വാഗ്ദാനം ചെയ്യുകയും ചെയ്യുന്നു.
The smart meters provide real-time readings of power consumption, a better understanding of consumption pattern and enhancing ability of customers to make rationalisation decisions.#Qatar #Kahramaa #Electricity #SmartMeters https://t.co/qUaptB0Wyw
— The Peninsula Qatar (@PeninsulaQatar) January 9, 2022
