ഈദ് ദിനങ്ങളിൽ കത്താരയിലേക്ക് ജനങ്ങൾ ഒഴുകുന്നു

July 10, 2022

250 Less than a minute

കൾച്ചറൽ വില്ലേജ് ഫൗണ്ടേഷൻ (കത്തറ) ഈദ് അൽ അദ്ഹയുടെ ആദ്യ ദിനത്തിൽ നടത്തുന്ന പ്രവർത്തനങ്ങളിൽ പങ്കെടുക്കാൻ വലിയ തോതിൽ സന്ദർശകരെത്തുന്നു.

ബിൽഡിംഗ് 18ൽ അവതരിപ്പിച്ച നാടകങ്ങൾ,, വിവിധ ആർട്ട് വർക്ക് ഷോപ്പുകൾ, കളറിംഗ് പ്രവർത്തനങ്ങൾ, ഫെയ്സ് പെയിന്റിംഗ്, ക്യാൻവാസ് പെയിന്റിംഗ്, ബലൂൺ വീർപ്പിക്കൽ, കാർട്ടൂൺ ക്യാരക്ടർ ഷോകൾ, സെറാമിക് പെയിന്റിംഗ് എന്നിവയിൽ അവർ പങ്കെടുത്തു.

“ഫ്രണ്ട്സ് ഓഫ് നേച്ചർ”, “ഫോറസ്റ്റ് അനിമൽസ്” എന്നീ നാല് നാടകങ്ങൾ, വിവിധ സ്കെച്ചുകൾ അടങ്ങിയ നിശബ്ദ നാടകം, ഷാഡോ തിയറ്റർ ഷോ എന്നിവയിൽ കുട്ടികളും പങ്കെടുത്തു. ഞായറാഴ്ച, ബിൽഡിംഗ് 41ൽ തുറയ പ്ലാനറ്റോറിയം ഡോം ഷോകൾ ആരംഭിക്കും, ഇത് ഈദ് അൽ-അദ്ഹയുടെ ദിവസങ്ങളിലുടനീളം വിനോദ-വിദ്യാഭ്യാസ സിനിമകളുടെ പരമ്പര അവതരിപ്പിക്കും.

പ്രതിദിനം മൂന്ന് ഷോകളാണു നടക്കുക. വൈകിട്ട് അഞ്ചിന് പൊളാരിസ് ഷോയും ആറിന് സ്റ്റാർ ഷോയും ഏഴിന് ആകാശഗംഗയിലെ എട്ട് ഗ്രഹങ്ങളുടെ പ്രദർശനവും നടക്കും.