അൽ ഖോർ റോഡിലുള്ള ഇന്റർസെക്ഷനിൽ നിന്നു തുടങ്ങി അൽ ഫാർക്കിയ ബീച്ചിലേക്കുള്ള അൽ ഒക്ദ സ്ട്രീറ്റിന്റെ രണ്ട് ദിശകളും അടച്ചിടുമെന്ന് പൊതുമരാമത്ത് അതോറിറ്റി (അഷ്ഗൽ) പ്രഖ്യാപിച്ചു. ട്രാഫിക് വകുപ്പുമായി ഏകോപിപ്പിച്ചുള്ള ഈ താൽക്കാലിക വഴിതിരിച്ചുവിടൽ 2020 ഡിസംബർ 15 ചൊവ്വാഴ്ച ആരംഭിച്ച് ഏഴു ദിവസം നീണ്ടുനിൽക്കും.
ഈ കാലയളവിൽ, അൽ ഫർകിയ ബീച്ചിലേക്കും റെസിഡൻഷ്യൽ അയൽപ്രദേശങ്ങളിലേക്കുമുള്ള യാത്രക്കാർക്ക് അൽ ഒഖ്ദ സ്ട്രീറ്റിന്റെ അൽ-ഖോർ റോഡിലുള്ള ഇന്റർസെക്ഷനു കിഴക്ക്, അഹ്മദ് ബിൻ ജാസിം സ്ട്രീറ്റ് അല്ലെങ്കിൽ മാപ്പിൽ കാണിച്ചിരിക്കുന്ന അൽ ഖോർ റോഡിന്റെ ഏതെങ്കിലും സൈഡ് റോഡുകൾ ഉപയോഗിച്ച് അവരുടെ ലക്ഷ്യസ്ഥാനങ്ങളിൽ എത്തിച്ചേരാം.
അൽ ബെയ്റ്റ് സ്റ്റേഡിയത്തിന്റെ ചുറ്റുമുള്ള റോഡ് വികസന പദ്ധതിയുടെ ഭാഗമായി അൽ ഒക്ദ സ്ട്രീറ്റിലെ അസ്ഫാൽറ്റ് ജോലികളുടെ അവസാന ഘട്ടം പൂർത്തിയാക്കാനാണ് ഈ വഴിതിരിച്ചുവിടൽ. ഇത് പ്രദേശത്തെ മെച്ചപ്പെട്ട ഗതാഗതത്തിനും അടിസ്ഥാന സൗകര്യ വികസനത്തിനും സഹായിക്കും.
എല്ലാ യാത്രക്കാരും വേഗപരിധി പാലിക്കണമെന്നും എല്ലാവരുടെയും സുരക്ഷ ഉറപ്പുവരുത്തുന്നതിനായി റോഡ് അടയാളങ്ങൾ ശ്രദ്ധിക്കണമെന്നും അഷ്ഗൽ അഭ്യർത്ഥിച്ചു.
Temporary partial closure on both directions of Al Oqda Street#Qatar https://t.co/dfOWTSJcMf
— The Peninsula Qatar (@PeninsulaQatar) December 14, 2020