ഒരു പുസ്തക പരമ്പര പ്രസിദ്ധീകരിക്കുന്ന ഏറ്റവും പ്രായം കുറഞ്ഞ വനിത എന്ന ഗിന്നസ് വേൾഡ് റെക്കോർഡ് സ്വന്തമാക്കി ഖത്തറിൽ താമസിക്കുന്ന 11 വയസ്സുകാരിയായ മലയാളി വിദ്യാർത്ഥി ലൈബ അബ്ദുൾ ബാസിത്.
2021 ഓഗസ്റ്റ് 29ന്, 10 വർഷവും 164 ദിവസവും പ്രായമുള്ളപ്പോൾ, രണ്ടാമത്തെ പുസ്തകം പ്രസിദ്ധീകരിച്ചതിന് ശേഷമാണ് ലൈബ ഈ നേട്ടം കൈവരിച്ചത്. 12 വർഷം 295 ദിവസം പ്രായം തികയുന്നതിന് മുമ്പ് മൂന്ന് നോവലുകൾ എഴുതിയ സൗദി അറേബ്യയുടെ റിതാജ് ഹുസൈൻ അൽഹാസ്മിയുടെ റെക്കോർഡാണ് ലൈബ അബ്ദുൾ ബാസിത് മറികടന്നത്.
കുട്ടികളുടെ ഫിക്ഷനുമായി ബന്ധപ്പെട്ട ഒരു ഫാന്റസി സ്റ്റോറിയായ “ഓർഡർ ഓഫ് ദി ഗാലക്സി” എന്ന മൂന്ന് പുസ്തകങ്ങളുടെ പരമ്പര ലൈബ പ്രസിദ്ധീകരിച്ചു. ഈ പരമ്പരയിലെ ആദ്യ പുസ്തകം “ദി വാർ ഫോർ ദി സ്റ്റോളൺ ബോയ്” എന്ന പേരിൽ ആമസോണും പിന്നീട് ലുലു ഓൺലൈനും പ്രസിദ്ധീകരിച്ചു. രണ്ടാമത്തെ പുസ്തകം “ദി സ്നോഫ്ലേക്ക് ഓഫ് ലൈഫ്” റോം ആസ്ഥാനമായുള്ള തവാസുൽ ഇന്റർനാഷണൽ പ്രസിദ്ധീകരിച്ചു.
ഇന്ത്യ ആസ്ഥാനമായുള്ള ലിപി പബ്ലിക്കേഷൻസ് പരമ്പരയിലെ അവസാന പുസ്തകം “ദി ബുക്ക് ഓഫ് ലെജൻഡ്സ്” പുറത്തിറക്കി. ഒന്നും രണ്ടും പുസ്തകങ്ങളുടെ രണ്ടാം പതിപ്പും ലിപി പബ്ലിക്കേഷൻസ് പ്രസിദ്ധീകരിച്ചു.
ദോഹയിലെ ഒലിവ് ഇന്റർനാഷണൽ സ്‌കൂളിലെ ആറാം ക്ലാസ് വിദ്യാർത്ഥിനിയായ ലൈബ ചെറുപ്പം മുതലേ വായനയിലും എഴുത്തിലും താൽപര്യം പ്രകടിപ്പിച്ചിരുന്നു. ഫിക്ഷൻ, സയൻസ്, മതം, പ്രമുഖ വ്യക്തികളുടെ ജീവചരിത്രങ്ങൾ എന്നിവയുടെ വായനക്കാരിയായ ലൈബയുടെ പ്രിയപ്പെട്ട എഴുത്തുകാരിൽ എനിഡ് ബ്ലൈറ്റൺ, ജെ കെ റൗളിംഗ്, ആൻ ഫ്രാങ്ക്, റോൾഡ് ഡാൽ എന്നിവർ ഉൾപ്പെടുന്നു.
ജിസിസിയിലെ സാംസ്കാരിക സാമൂഹിക പ്രവർത്തകരായിരുന്ന മുത്തച്ഛൻമാർ കെ എം അബ്ദുർ റഹീം, മുഹമ്മദ് പാറക്കടവ് എന്നിവരിൽ നിന്നാണ് ലൈബയ്ക്ക് വായനയോടുള്ള അഭിനിവേശം ലഭിച്ചത്. അവളുടെ പിതാവ് അബ്ദുൾ ബാസിത്തിന്റെയും അമ്മ തസ്‌നീം മുഹമ്മദിന്റെയും പിന്തുണ ലൈബയുടെ കഴിവുകളെ പ്രോത്സാഹിപ്പിച്ചു.
A Qatar-based 11-year-old student Laiba Abdul Basit has won the Guinness World Records as the youngest female person to publish a book series#Qatar #Doha https://t.co/8dppIrG84P
— The Peninsula Qatar (@PeninsulaQatar) July 16, 2022
