ഖത്തറിലെ ഏറ്റവും പഴക്കം ചെന്ന പ്രകൃതിദത്ത മുത്തുകൾ കണ്ടെത്തി ഖത്തർ മ്യൂസിയം
ഖത്തർ മ്യൂസിയത്തിലെ എക്സ്കവേഷൻ ആൻഡ് സൈറ്റ് മാനേജ്മെന്റ് മേധാവി ഡോ. ഫെർഹാൻ സക്കലിന്റെ നേതൃത്വത്തിലുള്ള പ്രാദേശിക ഉത്ഖനന ദൗത്യത്തിൽ ഉപദ്വീപിലെ ആദ്യകാല മനുഷ്യവാസ കേന്ദ്രങ്ങളുമായി പൊരുത്തപ്പെടുന്ന, ഖത്തറിൽ അറിയപ്പെടുന്ന ഏറ്റവും പഴക്കം ചെന്ന പ്രകൃതിദത്ത മുത്തുകൾ കണ്ടെത്തി.
ബിസി 4600ലെ ചരിത്രപ്രധാനമായ കണ്ടെത്തൽ രാജ്യത്തെ ഏറ്റവും പഴയ നിയോലിത്തിക്ക് സൈറ്റുകളിലൊന്നായ വാദി അൽ ദേബായനിലെ ഒരു ശവക്കുഴിക്കുള്ളിലാണ്. ചരിത്രപരവും സാമൂഹ്യശാസ്ത്രപരവുമായ പ്രാധാന്യമുള്ള കണ്ടെത്തൽ ഖത്തറിലെ മനുഷ്യവാസകേന്ദ്രങ്ങളുടെ ആദ്യ ഉറവിടങ്ങളിലേക്കും പ്രാദേശികമായി കാണപ്പെടുന്ന മുത്തുകളുടെ ഉപയോഗത്തിലേക്കും ചൂണ്ടിക്കാണിക്കുന്നുവെന്ന് ഖത്തർ മ്യൂസിയത്തിലെ ആർക്കിയോളജി ഡയറക്ടർ ഫൈസൽ അബ്ദുല്ല അൽ നഈമി പറഞ്ഞു. .
അടുത്തിടെ കണ്ടെത്തിയ ശവകുടീരം ഖത്തറിന്റെ പുരാതന മുത്തു വ്യവസായത്തിന്റെ ആദ്യകാല തെളിവുകളിലേക്കാണ് വിരൽ ചൂണ്ടുന്നത്, അത് നൂറ്റാണ്ടുകളായി രാജ്യത്തേക്കുള്ള വ്യാപാര-സാമ്പത്തിക പ്രവാഹത്തിന്റെ കേന്ദ്രമായി മാറി. സാമൂഹിക ഘടനകളും സമ്പത്തിന്റെ വിതരണവും ഉൾപ്പെടെ, ഉപദ്വീപിലെ ആദ്യകാല നാഗരികതകളെക്കുറിച്ചുള്ള പുതിയ ഉൾക്കാഴ്ചകളും ഇത് പ്രദാനം ചെയ്യുന്നു.
Qatar Museums discovers Qatar’s oldest known natural pearl bead#Qatar #Doha https://t.co/SGd2v1Yas3
— The Peninsula Qatar (@PeninsulaQatar) March 3, 2022