ഖത്തറിനു ശേഷം മിഡിൽ ഈസ്റ്റിലേക്ക് വീണ്ടും ഫുട്ബോൾ ലോകകപ്പെത്തും, സൗദി അറേബ്യയുടെ സാധ്യതകൾ ശക്തമായി
2034 ഫുട്ബോൾ ലോകകപ്പിന് വേണ്ടിയുള്ള ബിഡിൽ നിന്നു പിൻമാറാൻ ഓസ്ട്രേലിയ ചൊവ്വാഴ്ച തീരുമാനിച്ചു. ഇതോടെ ഇവന്റ് ആതിഥേയത്വം വഹിക്കാൻ സൗദി അറേബ്യ സാധ്യതകൾ ശക്തിപ്പെടുത്തി.
ഏഷ്യൻ ഫുട്ബോൾ കോൺഫെഡറേഷൻ സൗദി അറേബ്യയെ പിന്തുണക്കുന്ന സാഹചര്യം വന്നതിനാലാണ് അവസാന ദിവസം ഫുട്ബോൾ ഓസ്ട്രേലിയ അവരുടെ ബിഡ് പിൻവലിച്ചത്.
“ഫിഫ ലോകകപ്പിന് ആതിഥേയത്വം വഹിക്കാനുള്ള അവസരം ഞങ്ങൾ പര്യവേക്ഷണം ചെയ്തുവെങ്കിലും എല്ലാ ഘടകങ്ങളും പരിഗണിച്ച് 2034ൽ അതിനായി ബിഡ് ചെയ്യേണ്ടതില്ലെന്ന തീരുമാനത്തിൽ ഞങ്ങൾ എത്തിച്ചേർന്നു.” ഫുട്ബോൾ ഓസ്ട്രേലിയ പ്രസ്താവനയിൽ പറഞ്ഞു.
മൊറോക്കോ, സ്പെയിൻ, പോർച്ചുഗൽ എന്നിവയെ 2030ലെ സംയുക്ത ആതിഥേയരായി പ്രഖ്യാപിച്ചതിന് ശേഷം, ഫിഫ ലോകകപ്പ് ഹോസ്റ്റിംഗിനായി ഏഷ്യ, ഓഷ്യാനിയ മേഖലകളിൽ നിന്നാണ് ബിഡ്ഡുകൾ ക്ഷണിച്ചത്.
ഓസ്ട്രേലിയയും ന്യൂസിലൻഡും സംയുക്തമായി ഈ വർഷം വനിതാ ലോകകപ്പിന് ആതിഥേയത്വം വഹിച്ചിരുന്നു. ഇത് പൊതുവെ വിജയമായി കണക്കാക്കപ്പെടുന്നു.
Australia abandons 2034 World Cup bid, Saudi Arabia likely to host#Australia #SaudiArabia #WorldCup2034 #FifaWorldCup2034 https://t.co/1C5CcD9B95
— The Peninsula Qatar (@PeninsulaQatar) October 31, 2023