ഫുട്ബോൾ ലോകകപ്പിനു മുൻപേ മറ്റൊരു ലോകകപ്പ് ദോഹയിൽ, ഒക്ടോബർ 11നു ഗ്രൂപ്പ് മത്സരങ്ങൾ

October 9, 2022

953 Less than a minute

25 രാജ്യങ്ങളെ പ്രതിനിധീകരിച്ച് 28 ടീമുകൾ പങ്കെടുക്കുന്ന സ്ട്രീറ്റ് ചൈൽഡ് ലോകകപ്പ് (ദോഹ 2022) ശനിയാഴ്ച ദോഹയിലെ എജ്യുക്കേഷൻ സിറ്റിയിൽ ആരംഭിച്ചു. ഖത്തർ ഫൗണ്ടേഷന്റെ പങ്കാളിത്തത്തോടെ നടക്കുന്ന സ്ട്രീറ്റ് ചൈൽഡ് വേൾഡ് കപ്പ് 2022ൽ 15 ആൺകുട്ടികളുടെ ടീമുകളും 13 പെൺകുട്ടികളുടെ ടീമുകളും ഉൾപ്പെടുന്നു, അതിൽ 10 ടീമുകളെ പ്രതിനിധീകരിക്കുന്നത് അഭയാർത്ഥികളോ നാടുകടത്തപ്പെട്ടവരോ ആയവരാണ്.

ഔദ്യോഗിക നറുക്കെടുപ്പിനും കുറച്ച് ദിവസത്തെ പരിശീലനത്തിന് ശേഷം, ഗ്രൂപ്പ് ഘട്ടങ്ങൾ ഒക്ടോബർ 11 ചൊവ്വാഴ്ച ആരംഭിക്കും, ഒക്ടോബർ 15 ശനിയാഴ്ച അവസാന ഗെയിമുകളോടെ ടൂർണമെന്റ് അവസാനിക്കും.

എട്ട് ദിവസങ്ങളിലായി, ലോകമെമ്പാടും തെരുവ് സാഹചര്യങ്ങളിൽ ജീവിക്കുന്ന ദുർബലരായ യുവാക്കൾ അഭിമുഖീകരിക്കുന്ന പ്രതികൂല സാഹചര്യങ്ങളിലേക്ക് വെളിച്ചം വീശുന്നതിനായി ടീമുകൾ ഫുട്ബോൾ ലോകകപ്പ് മാതൃകയിലുള്ള ടൂർണമെന്റിൽ കളിക്കുകയും കലാ ശിൽപശാലകളിൽ ഭാഗമാവുകയും ശിശുസൗഹൃദ കോൺഗ്രസ് സെഷനുകളിൽ പങ്കെടുക്കുകയും ചെയ്യും.