ഖത്തറിൽ വരും ദിവസങ്ങളിൽ ശക്തമായ വടക്കുപടിഞ്ഞാറൻ കാറ്റ് വീശുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ കാലാവസ്ഥ ഡിസംബർ 14 വ്യാഴാഴ്ച മുതൽ വാരാന്ത്യം വരെ തുടരും.
ഈ കാലയളവിൽ പകൽ സമയം ശാന്തവും രാത്രികൾ താരതമ്യേന തണുപ്പുള്ളതുമാകും. വടക്കുപടിഞ്ഞാറൻ കാറ്റ് കാരണം താപനില യഥാർത്ഥത്തേക്കാൾ കുറവായിരിക്കുമെന്നും വകുപ്പ് അറിയിച്ചു. കൂടുതൽ മുന്നറിയിപ്പ് നൽകിയിട്ടില്ല.
മൂടൽമഞ്ഞു നിറഞ്ഞ കാലാവസ്ഥയാണ് ഖത്തറിലുള്ളത്. ഇത് രാജ്യത്തിന്റെ ചില ഭാഗങ്ങളിൽ തിരശ്ചീന ദൃശ്യപരത 2 കിലോമീറ്ററിൽ താഴെയാകാൻ കാരണമായി. ഇത്തരം സാഹചര്യങ്ങളിൽ സുരക്ഷ ഉറപ്പാക്കാൻ വാഹനമോടിക്കുന്നവർക്ക് ക്യുഎംഡി മുന്നറിയിപ്പു നൽകിയിരുന്നു.
ഇന്നലെ രാവിലെ രേഖപ്പെടുത്തിയ ഏറ്റവും കുറഞ്ഞ താപനില അബു സമ്രയിൽ 12 ഡിഗ്രി സെൽഷ്യസും ദോഹയിൽ 20 ഡിഗ്രി സെൽഷ്യസുമായിരുന്നു.
Meteorology Department forecast windy days in Qatar from Thursday#Qatar #Doha #Weather https://t.co/oMg6uzHHvk
— The Peninsula Qatar (@PeninsulaQatar) December 12, 2023