ദേശീയ അഡ്രസ്സ് നിയമം നടപ്പാക്കുന്നതിന് ആവശ്യമായ പ്രവർത്തന നടപടികൾ പൂർത്തിയായാൽ ഉടൻ ദേശീയ വിലാസ നിയമം (2017 ലെ നിയമം 24) നിലവിൽ വരുമെന്ന് ആഭ്യന്തര മന്ത്രാലയം അറിയിച്ചു.
ദേശീയ വിലാസ നിയമം നടപ്പിലാക്കുന്നതിനുള്ള അടിസ്ഥാന സൗകര്യങ്ങൾ പൂർത്തീകരിക്കുന്നതിന് എം ഒ ഐ പ്രവർത്തിക്കുന്നുണ്ടെന്ന് പബ്ലിക് സെക്യൂരിറ്റി ദേശീയ വിലാസ വിഭാഗം മേധാവി ലഫ്റ്റനന്റ് കേണൽ ഡോ. അബ്ദുല്ല സായിദ് അൽ സഹ്‌ലി പറഞ്ഞു. കൂടാതെ മെട്രാഷ് 2 ആപ്പ് അല്ലെങ്കിൽ MoI യുടെ ഏതെങ്കിലും സേവന കേന്ദ്രങ്ങൾ വഴി പൗരന്മാർക്ക്‌ അവരുടെ ദേശീയ വിലാസം രജിസ്റ്റർ ചെയ്യുന്നതിന് ഈ പ്രക്രിയ സുഗമമാക്കുന്നതിന് ഒരു ഓഫീസ് അനുവദിക്കുമെന്നും അദ്ദേഹം കൂട്ടച്ചേർത്തു.
All steps for #implementation of #NationalAddressLaw completed#Metrash2 @moi_qataren https://t.co/S439ILauUJ pic.twitter.com/8JGYhCRQGV
— Gulf Times (@GulfTimes_QATAR) November 16, 2019
പ്രായപൂർത്തിയാകാത്ത കുട്ടികളുടെ രക്ഷിതാക്കൾ അവരുടെ ഡാറ്റ രജിസ്റ്റർ ചെയ്യണമെന്നും ഈ ഡാറ്റയുടെ നിയമപരമായ ഉത്തരവാദിത്തം രക്ഷിതാക്കൾ തന്നെ വഹിക്കണമെന്നും അദ്ദേഹം ചൂണ്ടിക്കാട്ടി. കൂടാതെ ഔദ്യോഗിക രജിസ്ട്രേഷൻ പ്രക്രിയ ആരംഭിച്ച തീയതി മുതൽ ആറുമാസത്തിനുള്ളിൽ ഏതെങ്കിലും വ്യക്തിയോ പൗരനോ താമസക്കാരനോ അവന്റെ / അവളുടെ ഡാറ്റ രജിസ്റ്റർ ചെയ്യുന്നതിൽ പരാജയപ്പെട്ടാൽ, അവൻ / അവൾ ദേശീയ വിലാസ നിയമത്തിലെ ആർട്ടിക്കിൾ 6 പ്രകാരം ശിക്ഷിക്കപ്പെടുമെന്നും ഈ നിയമത്തിലെ ആർട്ടിക്കിൾ (3), (4) എന്നിവയിലെ ഏതെങ്കിലും വ്യവസ്ഥകൾ ലംഘിക്കുന്ന ഏതൊരാൾ‌ക്കും 10,000 റിയാലിൽ കവിയാത്ത പിഴയും ഈടാക്കും.
ഏതെങ്കിലും വ്യക്തിയുടെ ദേശീയ വിലാസ ഡാറ്റയിൽ മാറ്റം വന്നാൽ, അത്തരം ഡാറ്റ മെട്രാഷ് 2 അല്ലെങ്കിൽ ആഭ്യന്തര മന്ത്രാലയത്തിന്റെ ഏതെങ്കിലും സേവന കേന്ദ്രങ്ങൾ വഴി പരിഷ്കരിക്കണമെന്നും അദ്ദേഹം ഓർമ്മിപ്പിച്ചു.
ഇങ്ങനെ ഒരാളുടെ ദേശീയ വിലാസത്തിന്റെ ഡാറ്റയിൽ എന്തെങ്കിലും ഭേദഗതി വരുത്തുകയോ മാറ്റം വരുത്തുകയോ ചെയ്യുന്നതിന് യോഗ്യതയുള്ള അതോറിറ്റിയെ അറിയിക്കണമെന്നും അത് മന്ത്രി നൽകിയ തീയതിയിൽ തന്നെ അപ്‌ഡേറ്റ് ചെയ്യണമെന്നും ആർട്ടിക്കിൾ 4 ൽ അനുശാസിക്കുന്നു.
