ഖത്തറിൽ മഴക്കാലത്തിനു തുടക്കം കുറിച്ച് അൽ വാസ്മി സീസൺ ആരംഭിച്ചു
ഒക്ടോബർ 16 നാലാമത്തെ ശരത്കാല നക്ഷത്രമായ അൽ ഉവായുടെ ആദ്യ രാത്രിയെ അടയാളപ്പെടുത്തുമെന്ന് ഖത്തർ കാലാവസ്ഥാ വകുപ്പ് (ക്യുഎംഡി) അറിയിച്ചു. അടുത്ത 13 ദിവസത്തേക്ക് നക്ഷത്രം ആകാശത്ത് തുടരുമെന്നാണ് പ്രവചനം.
ഈ കാലയളവിൽ, ആദ്യ ദിവസങ്ങളിൽ ഹ്യുമിഡിറ്റി ഉണ്ടാകും. രാവിലെ മുതൽ താപനില മെച്ചപ്പെടാൻ തുടങ്ങും. പകൽ കാലാവസ്ഥ ചൂടുള്ളതും രാത്രികളിൽ ചില സമയങ്ങളിൽ തണുപ്പുള്ളതുമായിരിക്കും.
അൽ-വാസ്മി സീസൺ ആരംഭിക്കുന്ന കാലഘട്ടം കൂടിയാണിത്, ഈ കാലയളവിൽ മഴ പ്രതീക്ഷിക്കുന്നു. ട്രഫിൾസും മറ്റ് കാട്ടുചെടികളും വളരാൻ തുടങ്ങും.
അൽ-വാസ്മി സീസൺ ഒക്ടോബർ 16ന് ആരംഭിക്കുകയും ഡിസംബർ 6 വരെ 52 ദിവസം നീണ്ടുനിൽക്കുകയും ചെയ്യുന്നു. അതിന്റെ ആദ്യദിവസങ്ങളിൽ പെയ്യുന്ന മഴ ഒരു നല്ല മഴക്കാലത്തിന്റെ സൂചനയായി കണക്കാക്കപ്പെടുന്നു.
Rainy season begins, improved daytime temperatures in Qatar: QMD#Qatar https://t.co/drc3tzRXPQ
— The Peninsula Qatar (@PeninsulaQatar) October 15, 2023
