പാരിസ്ഥിതിക സൗഹൃദ ‘ഹൈബ്രിഡ്’ കാറുകൾ മുനിസിപ്പാലിറ്റികൾക്കു നൽകാൻ മന്ത്രാലയം
പബ്ലിക് സർവീസസ് അഫയേഴ്‌സ് സെക്ടറിലെ മെക്കാനിക്കൽ എക്യുപ്‌മെന്റ് ഡിപ്പാർട്ട്‌മെന്റ് പ്രതിനിധീകരിക്കുന്ന മുനിസിപ്പാലിറ്റി മന്ത്രാലയം, മലിനീകരണം കുറയ്ക്കുന്നതിനും ഹരിതഗൃഹ വാതക ഉദ്‌വമനം കുറയ്ക്കുന്നതിനും സഹായിക്കുന്ന പുതിയ “ഹൈബ്രിഡ്” പാരിസ്ഥിതിക സൗഹൃദ കാറുകളുമായി നിരവധി വകുപ്പുകളെയും മുനിസിപ്പാലിറ്റികളെയും പിന്തുണക്കുന്നു.
ഹൈബ്രിഡ് കാറിൽ രണ്ട് എഞ്ചിനുകൾ അടങ്ങിയിരിക്കുന്നു, ഒന്ന് ഗ്യാസോലിനിലും മറ്റൊന്ന് വൈദ്യുതിയിലും പ്രവർത്തിക്കും. ഇന്ധന ഉപഭോഗവും ഉദ്‌വമനവും കുറയ്ക്കുന്നതിന് രണ്ട് എഞ്ചിനുകളും മാറിമാറി പ്രവർത്തിക്കുന്നു, അതേസമയം ഇലക്ട്രിക് ബാറ്ററികൾ ഗ്യാസോലിൻ എഞ്ചിനിൽ നിന്ന് ചാർജ് ചെയ്യപ്പെടുന്നവയാണ്. ബ്രേക്കുകൾ ഉപയോഗിക്കുമ്പോൾ ചാർജുചെയ്യുന്ന ഇവക്ക് ഒരു വൈദ്യുത സ്രോതസ്സ് ആവശ്യമില്ല, അത് സ്വയം ചാർജ് ചെയ്യും.
ആവശ്യമായ നടപടിക്രമങ്ങൾ പൂർത്തിയാക്കിയതിന് ശേഷം ഈ മാസം മെക്കാനിക്കൽ എക്യുപ്‌മെന്റ് വിഭാഗം ബന്ധപ്പെട്ട മുനിസിപ്പാലിറ്റികൾക്കും ഡിപ്പാർട്ട്‌മെന്റുകൾക്കും ഇവ വിതരണം ചെയ്യും. നാല് വർഷമായി വാടകയ്‌ക്ക് എടുത്ത നിലവിലെ കാറുകളുടെ സ്ഥാനത്ത് ഹൈബ്രിഡ് കാറുകൾ പ്രവർത്തിക്കും.
Ministry supports municipalities with environmentally friendly cars #Qatar https://t.co/ojQn9F3Qnu
— The Peninsula Qatar (@PeninsulaQatar) January 10, 2022
