മെയ് 26 ബുധനാഴ്ച മുതൽ വടക്കുപടിഞ്ഞാറൻ കാറ്റ് വീശാൻ തുടങ്ങുമെന്നും ഇതു ഖത്തറിലെ തുറന്ന സ്ഥലങ്ങളിൽ പൊടിപടലങ്ങൾ ഉയരുന്നതിനു കാരണമാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ചില പ്രദേശങ്ങളിൽ കാറ്റിന്റെ വേഗത 12-22 കെടി മുതൽ 28 കെടി വരെ ആയിരിക്കുമെന്നും മെയ് 28 വെള്ളിയാഴ്ച വരെ ഇത് തുടരുമെന്നും അവർ വ്യക്തമാക്കി.
ശക്തമായ കാറ്റ്, വേലിയേറ്റം എന്നിവ മെയ് 29 വരെ ഉണ്ടായേക്കാമെന്ന് വകുപ്പ് മുന്നറിയിപ്പ് നൽകിയിട്ടുണ്ട്. ഈ സമയത്ത് തിരമാലകളുടെ ഉയരം 5-8 അടി മുതൽ 10 അടി വരെ ഉയരത്തിൽ എത്തുമെന്ന് പ്രതീക്ഷിക്കുന്നു. വൈകുന്നേരം 6 മണി വരെ വളരെ ചൂടായിരിക്കുമെന്നും ഓഫ്‌ഷോറിലെ സ്ഥലങ്ങളിൽ ആദ്യം മൂടൽമഞ്ഞുണ്ടാകുമെന്നും സൂചിപ്പിച്ചു.
തെക്കുകിഴക്കൻ കാറ്റ് വളരെ കുറഞ്ഞോ മിതമായോ വീശുമ്പോൾ 4 മുതൽ 9 കിലോമീറ്റർ വരെയായിരിക്കും ദൂരക്കാഴ്ച ഉണ്ടാവുക. മെയ് അവസാനം മുതൽ അൽബവാരി കാറ്റ് ആരംഭിച്ച് ജൂലൈ പകുതി വരെ തുടരുമെന്നും കാലാവസ്ഥാ വകുപ്പ് അഭിപ്രായപ്പെട്ടു. വടക്കൻ അറേബ്യൻ ഉപദ്വീപിൽ ഉയർന്ന മർദ്ദം ഉണ്ടാകുന്നതിനൊപ്പം ഇന്ത്യൻ മൺസൂണിന്റെ ഫലമായുണ്ടാകുന്ന വടക്കുപടിഞ്ഞാറൻ കാറ്റാണിത്.
ഈ കാറ്റിന്റെ ഏറ്റവും പ്രധാനപ്പെട്ട സ്വഭാവം, അത് രാത്രിയിൽ ദുർബലമാവുകയും സൂര്യോദയ സമയത്ത് ശക്തി പ്രാപിക്കുകയും ചെയ്യുന്നുവെന്നതാണ്. ഇത് പൊടിപടലത്തിനും താഴ്ന്ന ആപേക്ഷിക ആർദ്രതയും വേലിയേറ്റത്തിനും കുറഞ്ഞ ദൃശ്യപരതയ്ക്കും കാരണമാകുന്നു.
The department also issued a marine warning of strong wind and high waves until May 29 during which the wave height is expected to range between 5-8ft rising to 10ft at places at times. #Qatar #QatarWeather #Doha #Dust https://t.co/YMpqaHljlD
— The Peninsula Qatar (@PeninsulaQatar) May 25, 2021
