അധ്യാപകദിനത്തിൽ ഖത്തർ വിദ്യാഭ്യാസ മന്ത്രാലയം അധ്യാപകരെ ആദരിച്ചു
ലോക അധ്യാപക ദിന ആഘോഷത്തിന്റെ ഭാഗമായി വിദ്യാഭ്യാസ, ഉന്നത വിദ്യാഭ്യാസ മന്ത്രാലയം 30 വർഷത്തോളമായി വിവിധ സർക്കാർ സ്കൂളുകളിൽ പഠിപ്പിച്ച വിവിധ ദേശീയതകളിലെ 110 അധ്യാപകരെ വെർച്വൽ ചടങ്ങിൽ ആദരിച്ചു.
വിദ്യാഭ്യാസം നൽകുന്നതിൽ അധ്യാപകരുടെ പങ്ക് നിർണായകമാണെന്നു പറഞ്ഞ വിദ്യാഭ്യാസ ഉന്നത വിദ്യാഭ്യാസ മന്ത്രി എച്ച് ഇ ഡോ. മുഹമ്മദ് അബ്ദുൽവാഹദ് അൽ ഹമ്മദി എല്ലാ അധ്യാപകരെയും പ്രശംസിക്കുകയും ചെയ്തു. എല്ലാ വർഷവും ഒക്ടോബർ 5ന് ആഘോഷിക്കുന്ന ലോക അധ്യാപക ദിനത്തോടനുബന്ധിച്ച് മന്ത്രി നടത്തിയ പ്രസംഗത്തിലായിരുന്നു ഇത്.
“I am delighted to pay special tribute to the new Qatari and expatriate teachers who have joined, as well as the teachers we will honour today — who spent many years serving knowledge and education in Qatar.” @Qatar_Edu #Qatar #InternationalTeachersDay https://t.co/kGR92tFoRL
— The Peninsula Qatar (@PeninsulaQatar) October 6, 2020
കൊവിഡ് സാഹചര്യവും മുൻകരുതൽ നടപടികളും അനുസരിച്ചാണ് ഈ വർഷത്തെ പരിപാടി ഇത്തരത്തിൽ ആഘോഷിക്കാൻ തീരുമാനിച്ചതെന്ന് മന്ത്രാലയം അറിയിച്ചു.
“ഈ ഇരുട്ട് ലോകത്തിൽ നിന്ന് മാഞ്ഞുപോകുമെന്നും ജീവിതം ഉടൻ സാധാരണ നിലയിലേക്ക് മടങ്ങുമെന്നും ഞങ്ങൾ പ്രതീക്ഷിക്കുന്നു. പുതിയ ഖത്തറി, പ്രവാസി അധ്യാപകർക്കും, ഞങ്ങൾ ബഹുമാനിക്കുന്ന അധ്യാപകർക്കും – ഖത്തറിൽ അറിവും വിദ്യാഭ്യാസവും വർഷങ്ങളോളം ചെലവഴിച്ച അധ്യാപകർക്കും പ്രത്യേക ആദരം അർപ്പിക്കുന്നതിൽ ഞാൻ സന്തുഷ്ടനാണ്. മുൻ വർഷങ്ങളിലും ഇപ്പോഴും അവർ ഈ രാജ്യത്തിന് വാഗ്ദാനം ചെയ്ത എല്ലാത്തിനും ഞങ്ങൾ നന്ദിയുള്ളവരാണ്. ” അദ്ദേഹം പറഞ്ഞു.