ഇന്നലെ നടന്ന ഇൻസ്റ്റഗ്രാം തത്സമയ ചോദ്യോത്തര വേളയിൽ, കോവിഡ് 19 വാക്സിൻ സംബന്ധിച്ച് ആളുകളിൽ നിന്നുള്ള നിരവധി ചോദ്യങ്ങൾക്ക് പൊതുജനാരോഗ്യ മന്ത്രാലയം വാക്സിനേഷൻ മേധാവി, ഡോ. സോഹ അൽ ബയാത്ത് ഉത്തരം നൽകി.
“വാക്സിൻ ഓപ്ഷണലാണ്. ആവശ്യമില്ലെങ്കിൽ വേണ്ടെന്നു വെക്കാൻ നിങ്ങൾക്ക് അവകാശമുണ്ട്. എന്നാൽ നിങ്ങളെയും സമൂഹത്തെയും സുരക്ഷിതമായി നിലനിർത്താൻ വാക്സിൻ എടുക്കാൻ ഞങ്ങൾ നിങ്ങളെ പ്രോത്സാഹിപ്പിക്കുന്നു.” അവർ മന്ത്രാലയം ഹോസ്റ്റുചെയ്ത ഒരു തത്സമയ സെഷനിൽ പറഞ്ഞു.
യുകെയിൽ കണ്ടെത്തിയ വൈറസിന്റെ വകഭേദത്തിനെതിരെ വാക്സിൻ പ്രവർത്തിക്കുമോ എന്ന പൊതുജനങ്ങളുടെ ചോദ്യത്തിനും അവർ മറുപടി നൽകി. “ശാസ്ത്രീയ ഡാറ്റയും തെളിവുകളും അനുസരിച്ച് പുതിയ തരം വൈറസ് പഴയതിൽ നിന്ന് വ്യത്യസ്തമാണെന്ന് പറയാൻ കഴിയില്ല. അതിന്റെ വ്യാപനം അല്പം വ്യത്യസ്തമാണ്. നിലവിലെ വാക്സിൻ പുതിയ വൈറസിനെതിരെയും പ്രവർത്തിക്കുമെന്നത് ശാസ്ത്രീയ വിവരങ്ങളുടെ അടിസ്ഥാനത്തിലാണ് ഞങ്ങൾ പറയുന്നത്. ”
വാക്സിൻ പൗരന്മാരും താമസക്കാരുമടക്കം ഖത്തറിലെ എല്ലാവർക്കും സൗജന്യമാണ്. കടുത്ത ക്രോണിക് ബ്രോങ്കിയൽ ആസ്ത്മ അല്ലെങ്കിൽ കടുത്ത ആസ്ത്മ ഉള്ളവർ കോവിഡ് വാക്സിൻ എടുക്കുന്നതിനുള്ള ടാർഗെറ്റ് ഗ്രൂപ്പാണെന്നും ഇത്തരക്കാർക്കു വൈറസ് ബാധയേൽക്കുന്നത് സങ്കീർണതകൾക്കു കാരണമാകുമെന്നും അവർ അറിയിച്ചു.
ഡിഎൻഎ സൂക്ഷിച്ചിരിക്കുന്ന ന്യൂക്ലിയസിലേക്ക് പ്രവേശിക്കാത്തതിനാൽ വാക്സിൻ നിങ്ങളുടെ ജനിതകത്തെ ബാധിക്കുന്നില്ലെന്നും ജീനുകൾ പരിഷ്ക്കരിക്കുന്നതിനെ ഡിഎൻഎ മാറ്റുന്നതിനോ സാധ്യമല്ലെന്നും അവർ വ്യക്തമാക്കി. ലോകമെമ്പാടുമുള്ള ആളുകളും ഇന്ന് ഖത്തറിൽ വാക്സിൻ കഴിച്ചവരും ഗുരുതരമായ പാർശ്വഫലങ്ങളൊന്നും കാണിച്ചിട്ടില്ലെന്നും അവർ പറഞ്ഞു.
Protect yourself to protect others around you, MOPH official on taking #Covid19 vaccine#Qatar https://t.co/mGQ93hbUHd
— The Peninsula Qatar (@PeninsulaQatar) December 23, 2020